1. Tener ente 18 y 35 años y vivir nel Principáu d’Asturies.
2. Sólo se va subvencionar un ordenador y/o un alta de llínia per llar, magar que nun mesmu llar viva más d’una persona que cumpla’l requisitu anterior.
3. Contratar una nueva conexón o yá tar d’alta n’Internet, acordies cola Resolución de 7 d’avientu de 2007, de la Conseyería d’Alministraciones Públiques y Vocera’l Gobiernu (BOPA Nu 288, de 13 d’avientu de 2007), y tar conectáu a Internet como mínimu durante un añu dende la solicitú de subvención.
4. L’equipu informáticu o la conexón a Internet va instalase nel llugar de residencia del interesáu. Ye dicir, que’l llar pal que se contrate o se tea contratáu l’accesu a Internet y nel que s’use l’equipu informáticu tien que ser el mesmu qu’aquél nel que viva’l solicitante de la subvención.
5. Nun van poder beneficiase d’estes ayudes los que tean n’alguna de les situaciones previstes nel art. 13.2 de la Llei 38/2003, de 17 de payares, Xeneral de Subvenciones.

6. AICIONES SUBVENCIONABLES:

   • Mercar un ordenador nuevu y contratar una nueva conexón a Internet.
   • Mercar un ordenador nuevu siempre que se tea con anterioridá una conexón a Internet.
   • Contratar una nueva conexón a Internet.

1. Solicitú en modelu normalizáu.

2. Copia de la factura, a nome del beneficiariu, de compra del ordenador qu’incluya:

   • Descripción de los sos componentes y de les sos carauterístiques, asina como la declaración de que los mesmos superen los requisitos mínimos establecíos (ver Otros Datos d’Interés).
   • Xustificante de pagu (si l’equipu nun se paga al contáu, plan de financiación col proveedor).
   • Garantíes y servicios desixíos pol software llegal no que cinca al Sistema Operativu y Software de Proteición escoyíu (ver Otros Datos d’Interés).

3. Confirmación del alta n’Internet, colos datos del llar del solicitante y les carauterístiques de la conexón: velocidaes de receición y unviu, horariu de conexón y tarifes. El contratu de conexón ha de tener una duración mínima d’un añu.

   • Nueves altes:
     • Parte d’instalación, qu’acredite que ta instalada la conexón a Internet, o,
     • Albarán d’entrega, que recibe’l solicitante xunto col paquete de conectividá contratáu, o, 
     • Factura de pagu al operador.
   • No que cinca a la compra d’ordenador teniendo yá conexón a Internet:
     • Factura del mes anterior y del mes actual onde s’afite la conectividá contratada.

4. Acreditar que se vive na vivienda onde se va instalar l’equipu informáticu y/o la conexón a Internet.

   Esto implica que la direición na que se va contratar o se tien yá contratáu l’accesu a Internet ye la mesma que la que figura nel DNI del solicitante.

   Si nun fore asina, hai que presentar el certificáu o volante d’empadronamientu, debiendo coincidir la direición que figure nel mentáu documentu cola del serviciu d’Internet.

5. Certificau Dixital ó DNI electrónicu

1. CUANTÍA

   • Nel casu de compra d’equipu informáticu y nueva conexón a Internet: 500 € por ordenador portátil o de sobremesa.
   • Nel casu de compra d’equipu informáticu, si yá se tien accesu a Internet: 350 € por ordenador portátil o de sobremesa.
   • Nel casu de nueva conexón a Internet: 150 €.

2. MODALIDAES DE CONEXÓN A INTERNET

   • Nueva conexón en banda ancha: pa persones ensin accesu a Internet o qu’acceden mediante pagu per llamada y tiempu de conexón, y que quieran acceder mediante una conexión de banda ancha.
   • Nueva conexón en tarifa plana: pa persones ensin accesu a Internet o qu’acceden mediante pagu per llamada y tiempu de conexón, y que quieran acceder mediante tarifa plana.

3. CARAUTERÍSTIQUES DEL EQUIPU INFORMÁTICU

   • Cualesquier ordenador preparáu pa coneutase a Internet (mediante módem, conexón per cable a router ADSL, vía Wi-Fi, o pente medies de puertu USB con router 3G ó 3,5G). L’ordenador tien que ser nuevu y de primer usu y pue ser mercáu llibremente pol solicitante.
   • L’ordenador tien que tener una garantí d’al menos dos años válida en tol territoriu nacional. Tien qu’incluyir tamién un sistema operativu orixinal na so versión orixinal más reciente y un software de seguridá qu’incluya antivirus, actualizable durante un añu (la garantía va entendese acreitada cola factura d'adquisición del equipu informáticu).
   • El software instaláu suxuetu a llicencia ha de ser orixinal, con menos de dos años d’antigüedá, y hai que tener un certificáu orixinal de les sos correspondientes llicencies, o nel so casu, una distribución comercial de software llibre con un soporte informáticu que permita la so reinstalación.

   Si se detecta que’l software nun ye orixinal, la subvención va retirase y van imponese les sanciones correspondientes. Va ser indispensable que na factura del equipamientu apaeza’l númberu de serie del ordenador y el númberu de llicencia del sistema operativu escoyíu. (Nun siendo p'adquisición de software llibre).

Dende :

Hasta:

NAMAS COMPRA D’ORDENADOR (si yá se dispón d’Internet): 

• Compres ente’l 1/12/2007 y el 30/4/2008: al 15/5/2008.
• Compres ente’l 1/5/2008 y el 30/6/2008: al 15/8/2008.
• Compres ente’l 1/7/2008 y el 31/10/2008: al 15/11/2008.

NAMAS ALTA D’INTERNET:

• Altes ente’l 1/12/2007 y el 30/4/2008: al 15/5/2008.
• Altes ente’l 1/5/2008 y el 30/6/2008: al 15/9/2008.
• Altes ente’l 1/7/2008 y el 15/11/2008: al 15/11/2008.

COMPRA D’ORDENADOR Y ALTA D’INTERNET:

• Compres d’ordenadores y altes d’Internet realizaes ente’l 1/12/2007 y el 30/4/2008: al 15/5/2008.
• Compres d’ordenadores realizaes ente’l 1/5/2008 y el 30/6/2008 y altes d’Internet realizaes ente’l 1/5/2008 y el 15/8/2008: al 15/9/2008.
• Compres d’ordenadores realizaes ente’l 1/7/2008 y el 31/10/2008 y altes d’Internet realizaes ente’l 1/7/2008 y el 15/11/2008: al 15/11/2008.

Códigu:  200750571