1. Van ser oxetu d’indemnización los animales d’especies sensibles  (ovín, cabrín y bovín) muertos por causa de la llingua azul a partir de la primer declaración oficial de focu de llingua azul.

2. Los baremos d’indemnización pal sector ovín y cabrín son los que s’establecen darréu, calculaos por unidá afectada y en función de la so categoría, tal y como figuren na mentada Orde APA/1438/2005:

Entiéndese por ganáu ovín d’aptitú llechera, les oveyes d’ordeñu que produzan de media na so esplotación un mínimu de 100 llitros de lleche per cabeza y añu, o aquel respectu de les que se cobre la prima por oveya por tal aptitú.

Entiéndese por ganáu cabrín d’aptitú llechera, les cabres d’ordeñu que produzan de media na so esplotación, un mínimu de 100 llitros per cabeza y añu.

En dambos sectores, entiéndese por “menor” l’animal que nun algamó la madurez sexual.

Los propietarios de los animales van poder percibir una indemnización suplementaria d’hasta 6,01€ polos gastos de destrucción de cadabres.

Una vegada fechu’l cálculu de les indemnizaciones correspondientes, van poder incrementase hasta un 10% adicional máximu, p’aquellos propietarios qu’acrediten la pertenencia de los animales a una Agrupación de Defensa Sanitaria.

3. El baremu d’indemnización pal ganáu bovín ye’l que s’establez darréu, calculáu por unidá en función de la so edá:

Una vegada fechu’l cálculu de les indemnizaciones correspondientes, van poder incrementase hasta un 10% adicional máximu, p’aquellos propietarios qu’acrediten la pertenencia de los animales a una Agrupación de Defensa Sanitaria.

1. Los beneficiarios deben cumplir los requisitos siguientes:

a) Ser titulares d’esplotaciones ganaderes nel Principáu d’Asturies. Les esplotaciones titulaes pol beneficiariu deben tar adecuadamente inscrites nel Rexistru d’Esplotaciones Ganaderes (REGA).

b) Nun ser oxetu de sanción firme en vía alministrativa nos dos últimos años, en materia de sanidá animal.

c) Cumplir colos requisitos básicos en materia de mediu ambiente, seguridá alimentaria, salú y bienestar de los animales y práctiques agraries compatibles col mediu ambiente.

2. Los beneficiarios de les indemnizaciones deben acreditar, previamente al so cobru, que tán al corriente de les sos obligaciones tributaries y de la Seguridá Social. Estos requisitos nun van ser necesarios cuando les mentaes indemnizaciones nun superen la cantidá de 3.005,06 euros.

3. El cumplimientu de los requisitos establecíos nel apartáu 1 y 2 va efectuase d’oficiu pola Conseyería de Mediu Ambiente y Desendolcu Rural, cola esceición de que dalguna circunstancia nun se pudiera verificar colos datos obrantes nel so poder. Nesti casu la información sedría solicitada al beneficiariu.

Per parte de l’Alministración del Principáu d’Asturies va procedese al pagu de les indemnizaciones correspondientes una vegada feches les comprobaciones sobre’l númberu d’animales oxetu de pagu, asina como del cumplimientu de les condiciones de beneficiariu descrites nel puntu anterior.

A) Baxes producíes con posterioridá a la publicación d’esta resolución

1. El titular de la esplotación debe comunicar na Oficina Comarcal de la Conseyería de Mediu Ambiente y Desendolcu Rural a la que perteneza la esplotación, la sospecha d’esistencia d’animales afectaos por llingua azul, acordies col modelu establecíu nel Anexu II.

2. Los servicios veterinarios oficiales o autorizaos van visitar la esplotación pa comprobar la esistencia de la enfermedá na mesma y emitir el correspondiente certificáu.

3. Constatada previamente la esistencia de la enfermedá nuna esplotación nueves muertes d’animales por llingua azul, el titular de la esplotación debe facer una ampliación de solicitú acordies col Anexu III. Esti documento debe acompañar al DAMER na retirada del cadabre pola empresa autorizada y, darréu, debe ser validáu polos servicios veterinarios oficiales. Va tenese en cuenta factores epidemiolóxicos, incluyendo los datos vacunales, a la hora de considerar el periodu a partir del que les muertes nun puen achacase a la llingua azul.

B) Baxes producíes dende la primer declaración oficial de focu hasta la publicación d’esta resolución.

1. La Conseyería de Mediu Ambiente y Desendolcu Rural va proceder directamente al abonu d’aquelles baxes que motivaron la notificación a la Rede d’Alerta Sanitaria y Veterinaria (RASVE) de la esistencia de focu nes esplotaciones

2. Nel restu d’esplotaciones onde hubo sospecha d’enfermedá, va procedese al abonu d’aquelles baxes siempre qu’esista resguardu acreditativu de la so entrega a la planta de destrucción autorizada n’Asturies, y que la mentada esplotación tea asitiada nun entornu con evidencies de presencia de la patoloxía nel momentu de la mentada entrega.