Navegación por categorías

BuscadorAgendaAcuerdosWeb

Resultados de la búsqueda

Acuerdos del Consejo de Gobierno

13/05/2022 - Acuerdos del Consejo de Gobierno

El Principado destina 35,9 millones a ayudas para la incorporación de jóvenes a la actividad agraria, la modernización de explotaciones y la prevención de daños por fauna salvaje
  • Estes subvenciones, financiaes al traviés del fondu europeu Feader, suponen un impulsu nuevu al sector nun momentu enforma delicáu pol alza de los precios y la inflación
  • Autorizáu un gastu de 3,5 millones p’apoyar la renovación de la flota d’empreses privaes de tresporte per carretera
  • Aprobada una partida de 1,8 millones pa mantener los programes vespertinos de demora quirúrxica, consultes esternes y procedimientos non intervencionistes del Sespa
  • El Ejecutivo unvia al Conseyu Consultivu el decretu que regula la condición de familia monoparental, que va dexar desenvolver midíes específiques de protección

El Gobiernu d'Asturies autorizó güei un gastu plurianual de 35.950.000 euros destináu a ayudes pa la incorporación de persones moces a l'actividá agraria, la modernización d'esplotaciones y la prevención de daños por fauna montés. Con esta midida, l'Executivu da un nuevu impulsu al mediu rural nun momentu especialmente delicáu pal sector, afectáu pol contestu económicu actual, la inflación y la xubida de precios de carburantes y les materies primes.

Estes subvenciones, cofinanciaes pola Unión Europea al traviés del Fondu Européu de Desenvolvimientu Rural (Feader), resulten fundamentales p'ameyorar la viabilidá de les esplotaciones agraries y facilitar el relevu xeneracional, pos favorecen la entrada nel sector de profesionales bien formaos.

El presupuestu global pa les ayudes, que se van executar hasta 2025, distribúyese d’esta manera:



Incorporación de persones moces

La convocatoria ta dotada con más de 17 millones. Ente otres novedaes, presenta una xubida de la cuantía máxima de 50.000 a 70.000 euros p’apoyar el relevu xeneracional n’explotaciones dedicaes a la ganadería estensiva.



Modernización d’esplotaciones

Esta llinia cunta con un presupuestu de 16,7 millones. Pela primer vez, van poder acceder a les subvenciones persones mayores de 40 años que nun seyan titulares d’una esplotación ganadera nel momentu de facer la solicitud, pero que se comprometan a selo a la hora de la certificación final.

Otra de les novedaes ye la simplificación de la xestión, yá que pa optar a les subvenciones va valir con presentar un plan empresarial nel que se xustifique que'l proyectu que se va a desenvolver va ameyorar el rendimientu global del negociu.

L'importe de les subvenciones pue cubrir el 40% de los costos elexibles, un porcentaxe qu’algama hasta'l 60% si los titulares de la esplotación son nueves o si presenten inversiones en zones con llimitaciones naturales. Tamién s'afita una cobertoria del 60% n'otros casos específicos, por casu, si los gastos se destinen a ameyorar los equipos de tratamientu del purín y el cuchu o a impulsar acciones rellacionaes con midíes agroambientales y agricultura ecolóxica.



Prevención de daños por fauna montés

La convocatoria d'anguaño va recoyer una nueva ayuda pa impulsar l'adopción de midíes preventives empobinaes a evitar daños de les especies monteses a l'agricultura y la ganadería, complementaria a la indemnización por daños, dotada con 2,2 millones.

Nesti casu, va ser subvencionable el 100% d'inversiones destinaes a la construcción o arreglu de corralaes, l'alquisición de valles móviles y llendadores o perros pastores.



Renovación de vehículos pesaos

L'Executivu autorizó un gastu de 3.506.114 euros pa la convocatoria de subvenciones empobinaes a la tresformación de les flotes d'empreses privaes de tresporte de viaxeros y mercancíes qu'empresten servicios per carretera.

Esta llinia d'ayudes busca renovar el parque de vehículos pesaos p’aumentar la competitividá de les compañíes y fomentar la incorporación de tecnoloxíes de propulsión con cero emisiones, col fin de promover la eficiencia y rebaxar la dependencia de los combustibles fósiles.

Estes subvenciones formen parte del paquete de midíes incluyíes nel Plan de Recuperación, Tresformamientu y Resiliencia del Estáu y cunten con financiación de los fondos Next Generation EU. La convocatoria inclúi, amás, llínees específiques pa impulsar el tresporte intermodal, facilitar el acharramientu de vehículos antiguos y la so sustitución por otros de baxes emisiones, modificar los sistemes de propulsión pa rebaxar la contaminación, poner puntos de recarga d'enerxíes llimpies y adquirir semirremolques pa usalos nes autopistes ferroviaries.



Midíes contra les llistes d’espera

L'Executivu aprobó un gastu de 1,8 millones pa los programes especiales de demoranza quirúrxica, consultes esternes y procedimientos non intervencionistes del Serviciu de Salú del Principáu (Sespa). Esta partida yá se contemplaba nos presupuestos xenerales p’anguaño.

Esti alcuerdu dexa que se caltengan les xornaes de tarde p’amenorgar les llistes d'espera, tal que se vien faciendo dende l'añu pasáu.

El Serviciu de Salú efectuó 598 intervenciones en xornada de tarde en marzu, lo que supon 151 más qu'en febreru. D'esta manera, en marzu rexistró'l segundu mayor númberu de ciruxíes vespertines desque s'empecipió'l plan de choque. En total, dende'l 20 de setiembre yá se ficieron 2.989 ciruxíes vespertines.



Reconocimientu y derechos de les families monoparentales

El Gobiernu alcordó güei unviar al Conseyu Consultivu'l decretu pol que se regula la condición de familia monoparental, pasu previu necesariu antes de la so aprobación definitiva. La norma, que consta de 17 artículos y dos disposiciones finales, va establecer el marcu xurídicu que va dexar desenvolver midíes específiques de protección y otorgar a estes families la reconocencia social que merecen.

Considérase familia monoparental aquella formada por una persona proxenitora y quien por filiación, adopción, tutela o acoyimientu permanente o delegación de guarda con fines d'adopción cumplan los siguientes requisitos:

  • Ser solteros y menores de 21 años, una edá que va ampliase hasta los 25 cuando cursen estudios superiores, universitarios o empobinaos a llograr un puestu de trabayu, tengan un grau de discapacidá de más del 33% o tean incapacitaos pa trabayar.
  • Convivir cola persona proxenitora o acoyedora. La separación transitoria por razón d'estudios, trabayu, tratamientu médicu y otros supuestos nun va determinar l'incumplimientu del requisitu de convivencia.
  • Depender económicamente de la persona proxenitora o acoyedora.

Amás, equipárense a les families monoparentales, con tolos sos derechos, beneficios y obligaciones, les siguientes:

  • Les formaes por una persona viuda, o en situación equiparada, y la descendencia en primer grau cola persona fallecida o desapaecida.
  • Les formaes por una persona y la so descendencia en primer grau sobre la que tenga la patria potestá n’esclusiva.
  • Les formaes por una persona proxenitora qu’ostenta la guarda y custodia n’esclusiva y los sos descendientes, anque perciban pensión alimenticia.
  • Les formaes por una persona y los menores d’edá que tenga n’acoyida por tiempo superior a un añu, igual que los mayores d’edad que tuvieren n’acoyimientu permanente y sigan conviviendo na unidá familiar.
  • Aquelles integraes por una proxenitora que fuere víctima de violencia de xéneru per parte del proxenitor, y la descendencia en primer grau sobre la que tenga guarda y custodia.
  • Aquellas en las que sobre una de las personas progenitoras convivientes recaiga una pena privativa de libertad que implique el ingreso en prisión por un período igual o superior a un año.
  • Aquelles nes qu’una de les persones proxenitores s’atope ingresada nun centru médicu, hospitalariu o de tratamientu especializáu por un periodu igual o superior a un añu, casu nel que van formar la unidá familiar monoparental la otra persona proxenitora y los fíos que dependan d’ella.
  • Aquelles nes qu’una de les personas proxenitores convivientes tenga reconocíu un grau III de dependencia.
  • Aquelles formaes por una persona proxenitora con descendencia a cargu que sufriere abandonu por parte de la otra proxenitora.
  • Amás, van considerase families monoparentales de categoría especial estes:

  • Les que tengan dos o más menores a cargu por acoyimientu o guarda p’adopción.
  • Aquelles nes que dalgún de los miembros tenga reconocíu un grau de discapacidá superior al 33%.
  • Aquelles nes que ún de los miembros tenga reconocida la incapacidá pa trabayar.
  • Aquelles nes que la cabeza de familia seya una muyer víctima de violencia de xéneru.

 

Ver en formato original (pdf: 237.83Kb)

Buscador

Buscar por rango de fechas: