Categories Navigation

Categories Navigation

El Principáu axúntase como observador a la rede d’entidaes locales pa l’Axenda 2030 de la Federación Española de Conceyos

26/04/2021

  • Asturies ye la primer comunidá que s’integra nesti grupu, que fomenta los oxetivos del desenvolvimentu sostenible

  • Avilés, Caravia y Castropol tamién formen parte d’esta entidá

El Gobiernu d'Asturies axuntóse como observador a la rede d'entidaes locales pa l'Axenda 2030 de la Federación Española de Conceyos y Provincies (FEMP). El Principáu ye la primer comunidá que pasa a integrase nesti grupu, constituyíu n'ochobre de 2020.

Unu de los oxetivos de la rede ye favorecer la coordinación d'actuaciones ente les admnistraciones municipales, col fin d'algamar meyores resultaos na implementación de l'Axenda 2030, al traviés de la localización, alliniación ya impulsu de los oxetivos de desenvolvimientu sostenible. Amás, ufierta ferramientes p'algamar estos oxetivos, según información y propuestes pa faer frente a la crisis provocada pola covid-19 dende una perspectiva de sostenibilidá.

Hasta'l momentu, la rede cunta cola adscripción de los conceyos d'Avilés, Caravia y Castropol.

L'Axenda 2030, aprobada pola Asamblea Xeneral de les Naciones Xuníes el 25 de setiembre de 2015, convirtióse nun importante preséu de trabayu internacional. Pela primer vez, una estratexa de sostenibilidá asúmese dende una perspectiva qu'inclúi tanto l'aspeutu medioambiental como'l social y l'económicu.

“Esta adhesión supón un pasu nuevu na nuesa fueya de ruta pa implementar l'Axenda 2030 n'Asturies, de manera que sumamos a les entidaes comprometíes colos oxetivos de desenvolvimientu sostenible”, afirmó la conseyera de Presidencia, Rita Camblor.