Categories Navigation

Categories Navigation

Medio Rural invierte casi 900.00 euros na meyora de dos víes en Cangas del Narcea

26/04/2021

  • El conseyeru Alejandro Calvo visitó güei una de les tres obres n’execución na carretera a L.leitariegos (AS-213), a la que se destinen 641.876 euros.
  • Infraestructures tamién tien en marcha una intervención pa renovar el drenaxe de la AS-15 na redolada del regueru Rufaru, con un presupuestu de 224.235 euros.
  • El Gobierno de Asturias ha destinado 12 millones a actuaciones de emergencia, conservación y mantenimiento este año.
     

La Conseyería de Mediu Rural y Cohesión Territorial empecipió esta selmana les obres pa reparar un tramu urbanu de casi dos kilómetros de la carretera AS-213, que xune Cangas col puertu de L.leitariegos, na llende con Llión, al so pasu pola capital del conceyu. 

Les obres axudicáronse en marzu a la empresa Alvargonzález Contrates por un importe de 203.131 euros y un plazu d'execución de cuatro meses. L'actuación va facer posible iguar el deterioru de la vía, que presenta baches, fisuras y zones descarnaes. Amás, los trabayos van executase n'horariu nocherniegu p'afectar lo menos posible a l'actividá comercial y residencial. El proyectu inclúi la llimpieza xeneral del tramu, el fresáu y rehabilitación del pavimentu onde sía necesario y la reposición de marques viales. 

Nuna visita al conceyu, el conseyeru Alejandro Calvo esplicó que’l so departamentu tien en marcha otres dos actuaciones n'otros puntos de la mesma carretera. En concretu, tán reparándose trés fundimientos ente los kilómetros 19 y 32.7, con un costu de 340.486 euros, y un desprendimientu qu'obligó a actuar con calter d'emerxencia nel kilómetru 32.4, con un desembolsu de 98.259 euros. En total, la inversión nesta vía, a la que s'aporta dende la carretera AS-15 (Corniana-puertu de Zarréu) xube a 641.876 euros.

Precisamente nel AS-15, Infraestructures tamién tien en marcha una obra presupuestada en 224.235 euros p'anovar el drenaxe na redolada del regueru Rufaru, en Cangas. Esta actuación va correxir los problemes qu'afecten a la vía dende la salida del túnel de Rañadoiru escontra'l pueblu cangués de L.larón.
 

Más recursos para la conservación

L'apueste del Gobiernu d'Asturies por reforzar les polítiques de caltenimientu de los más de 4.200 kilómetros de carreteres de la rede autonómica traduzse esti exerciciu nun presupuestu de 84 millones namás pa la rede viaria, destináu mayoritariamente a la meyora de la conectividá nel mediu rural. 

Nesti sentíu, Calvo destacó que no que va d'añu'l so departamentu invirtió cerca de 12 millones n'obres: 7,5 en 76 intervenciones d'emerxencia y otros 4,5 en más d'una trentena d'actuaciones de caltenimientu.

La nueva configuración de la conseyería, que axunta les polítiques de mediu rural y les d'infraestructures, facilita amás l'empléu de recursos procedentes del Fondu Européu Agrícola de Desenvolvimientu Rural (Feader) nesti tipu d'actuaciones. Exemplu d'ello son dos obres pa les que s'empecipió'l trámite de llicitación y que van beneficiar tamién a Cangas: la meyora del pavimentu en dellos tramos del AS-15 que sumen 19 kilómetros y l'arreglu del firme de la CN-1 (Cangas-Bisuyu).

 

Audio (Mp3: 1614 Kb)