Categories Navigation

Categories Navigation

Les ayudes Leader del grupu Adicap, dotaes con un millón, van facer posible sofitar el desenvolvimientu de 31 proyectos

26/04/2021

- El Boletín Oficial del Principáu publica güei la resolución de la convocatoria

 

El Boletín Oficial del Principáu (Bopa) publica güei la resolución de la convocatoria d’ayudes del programa Leader pa l’Asociación pal Desenvolvimientu Integráu del Centru d’Asturies Periurbanu (Adicap), que inclúi los conceyos de Carreño, Corvera, Gozón y Llanera. 

Al traviés d’esta convocatoria, sofítense con 1.008.527 euros 31 proyectos d’entidaes privaes, locales y ensin ánimu d’arriquecimientu, que suponen una inversión total de 2.118.244 euros. 

La distribución de les ayudes por anualidaes ye asina:
 

Ayudes Leader

2021

2022

Total entidá

Empreses privaes total

436.540,80

285.633,94

722.174,74

Entidaes Locales

103.190,99

134.052,43

237.243,42

Entidades ensin ánimu d’arriquecimientu

27.203,23

21.906,43

49.109,66

Total anualidá

566.935,02

441.592,80

1.008.527,82

 

Estes subvenciones, cofinanciaes pol Fondu Européu Agrariu de Desenvolvimientu Rural (Feader), contribuyen a dar sofitu al texíu productivu y social del mediu rural y garanticen la continuidá de l’actividá nun sector esencial pal abastecimientu d’alimentos a la población. Les ayudes concédense al traviés de los once grupos de desenvolvimientu rural que tomen casi dafechu el territoriu asturianu.

La convocatoria de fondos Leader de desenvolvimientu rural 2020 ye la de mayor dotación económica de la historia de la comunidá. El presupuestu inicial amplióse en 10 millones hasta algamar los 26,4, colos que se van financiar más de 600 proyectos. Nel casu d’Adicap, la ampliación de creitu foi de 453.859 euros.