Categories Navigation

Categories Navigation

El Principáu concede 15.321 euros d’ayuda a la fundación El Pájaro Azul pa combatir el coronavirus nel Congo

04/05/2021

- Los fondos van dexar convertir lo que yera una lleprosería nuna unidá d’aislamientu de 20 places

El Principáu concedió una ayuda d'emerxencia de 15.321 euros a la Fundación El Pájaro Azul que se va destinar a crear una unidá d'aislamientu para facer frente a la covid-19 nel Hospital Xeneral de Kanzenze, na República Democrática del Congo, unu de los países prioritarios pa la cooperación asturiana.

El Pájaro Azul trabaya en Kanzenze dende 2015 con proyectos venceyaos al ámbitu de la educación y de la salú, como'l qu'agora sofita'l Gobiernu d'Asturies, nel que tamién participa Manos Unidas.

L'aportación del Principáu va dexar convertir lo que yera la malatería del centru sanitariu nuna unidá d'aislamientu con 20 places pa pacientes con coronavirus, dotada con cames, colchones y portasueros. Amás, van adquirise equipos de protección pal personal sanitario, test rápidos, aparatos de midida de temperatura y saturación d'osíxenu, y medicines para tratar la enfermedá.

L'Hospital Xeneral de Kanzenze ye centru de referencia pa una población de 141.063 persones. Nel pobláu de Kanzenze, con cerca de 10.000 habitantes, piénsase que la tasa de positividá de la covid-19 pue algamar el 15%. Nesta zona, la fundación el Pájaro Azul tamién promueve un proyectu de cooperación empobináu a fomentar la igualdá d'oportunidaes nel accesu a la educación pa neñes y muyeres  cola construcción d'un internáu nuevu.

La mayoría de la población dedícase a l'agricultura, el pequeñu comerciu y l'estracción de carbón. Les cases son pequeñes y les families bien numberoses, con una media d'hasta ocho fíos per casa. Nun esiste alcantarelláu y les enfermedaes más frecuentes son la malaria, les fiebres tifoidees y la foria. Los habitantes de Kanzenze tamién sufren graves problemes de malnutrición.