Categories Navigation

Categories Navigation

Asturies va participar en Fitur con una ufierta empobinada a reforzar el so lideralgu como destín de naturaleza y bienestar

12/05/2021

- El Principáu va cuntar na feria con un estand sostenible de 700 metros cuadraos y orientación profesional.

- Les presentaciones y xornaes técniques van retresmitise en directu al traviés de la canal profesional de Turismu Asturies en Facebook.

El Gobiernu d'Asturies va participar na Feria Internacional de Turismu (Fitur) con una ufierta empobinada a caltener el lideralgu de la comunidá como destín de naturaleza y bienestar. Pa ello, l’estand del Principáu diseñóse alredor a los curiosos de mayor fortaleza na estratexa turística rexonal: l'aventura, l’ecoturismu y la calidá de vida. Fitur 2021 va celebrase la próxima selmana en Madrid sol lema Tourism is back.

El Principáu va desenvolver el so programa d'actividaes nun estand de 692 metros cuadraos nel que destaca una anovada estratexa comercial. Esti mayor protagonismu de la dimensión profesional materialízase en nuevos espacios, como La terraza del paraísu, una zona de 181 metros cuadraos dedicada puramente a la celebración d'alcuentros comerciales.

La zona abierta al públicu constitúi la puerta d'entrada al espaciu d'Asturies. L'accesu al estand va realizase de manera controlada al traviés d'una galería tubular de 9 metros de llargor, dientro de la que ser proyecten dos pieces audiovisuales n'alta resolución ellaboraes a partir de los principales recursos turísticos de la comunidá. La galería desemboca nuna plaza abierta que, a manera de monte, forma un área d'esposición perfectamente fornida p’acoyer presentaciones y sesiones técniques.

El diseñu del estand permitió optimizar espacios y recursos. Asina, incrementáronse les zones abiertes ya instaláronse sistemes d'información que van permitir comunicar per videuconferencia con profesionales turísticos dende distintes localidaes asturianes, lo que va dexar disponer de mayor aforu y caltener les midíes de seguridá.

“Les midíes de seguridá dexáronnos dar un importante saltu d'innovación, lo que nos fixo presentar l’estand más comercial y tecnolóxicu que nunca tuviéramos”, valoró la viceconseyera de Turismu, Graciela Blanco.

Asina, l’estand va tener un completu sistema de prevención y seguridá, lo que condiciona la so estructura, la circulación, los elementos espositivos, l'aforu, el control d'accesos y l'atención al públicu.

Graciela Blanco destacó la coherencia del estand cola mesma imaxe d'Asturies: “La nuestra vocación hacia la sosteniblidá nótase en cómo optemos por embrivir la buelga de carbonu xenerada pola nuesa participación en Fitur, nel nuesu apueste por materiales respetuosos col mediu ambiente y tamién na incorporación de les tecnoloxíes como muestra del compromisu por construyir un destín turísticu intelixente”.

Col fin de garantizar la máxima seguridá, el Principáu decidió suspender nesta edición la celebración del Día d'Asturies en Fitur.

 

Presentaciones y sesiones técniques

Dende'l miercoles 19 al vienres 21 de mayu, el períodu dedicáu a profesionales, l’estand va convertise en sala de presentaciones de proyectos turísticos impulsaos pol Gobiernu d'Asturies, conceyos y asociaciones empresariales. Sicasí, pa respetar les midíes preventives, el númberu d'iniciatives turístiques que se van presentar nesta edición de la feria llimitáronse a cinco.

Les presentaciones van celebrase pela mañana, ente que les tardes van acutase pa dos foros técnicos centraos nel desenvolvimientu del turismu de naturaleza y el potencial de la gastronomía. En dambos casos, van poder siguise en directu al traviés del perfil profesional de Turismo Asturies en Facebook (www.facebook.com/TurismoAsturiasProfesional)

A xuiciu de la viceconseyera, estes presentaciones “van apurrir un plus de calidá a una feria na qu'Asturies va reforzar el so lideralgu como destín turísticu”.

Enllaz videu sobre l’estand d'Asturies en Fitur: : https://cutt.ly/ibFmuKX

Presentación Stand FITUR (Pdf: 558 Kb)