Categories Navigation

Categories Navigation

El Gobiernu d’Asturies concede 200.000 euros n’ayudes a les asociaciones de tresporte per carretera

18/05/2021

- La Conseyería de Mediu Rural y Cohesión Territorial aumenta un 33,3 % l’importe d’estes subvenciones en comparanza col añu pasáu
 
La Conseyería de Mediu Rural y Cohesión Territorial convocó ayudes por importe de 200.000 euros pa sofitar los costos de funcionamientu de les asociaciones de tresporte per carretera, tanto de viaxeros como de mercancíes o auto-taxi, asitiaes n’Asturies. El presupuestu pa estes subvenciones medra un 33,3 % al respective del añu pasáu, cuando se repartieron 150.000 euros ente ocho asociaciones. 

Les bases de la convocatoria establecen que les asociaciones de tresportistes de mercancíes van llograr un máximu de 134.000 euros, les de viaxeros un tope de 36.000 y les d’auto-taxi, de 30.000 euros. Nos trés casos, les ayudes van partise de forma proporcional a los gastos que quieran realizase, hasta cubrir, como muncho, el 50 % del total.
 
Les solicitúes puen presentase a partir de mañana y a lo llargo d’un plazu de quince díes naturales.
 
Ente los gastos subvencionables figuren les nómines del personal que trabaya nes asociaciones, amás de los costos del arrendamientu de les sedes. El procedimientu de concesión ye’l de concurrencia competitiva. Amás, si desque se repartan los creitos asignaos por asociaciones quedare remanente, va distribuyise de manera equitativa.