Categories Navigation

Categories Navigation

El Principáu ponen serviciu’l puntu llimpiu de Nava tres una inversión de 868.200 euros

19/05/2021

Un momento de la visita

  • La instalación, allugada nel Parque Empresarial de la Sidra, favorez  la recoyida separada y el posterior reciclaxe de residuoses peciales y de gran tamañu
  • Coxersa va encargase d'atender la infraestructura, allugada nuna parcela de 5.000 metros cuadraos y con capacidá pa xestionar hasta 14 tipos de basura

La viceconseyera de Mediu Ambiente y Cambéu Climáticu, Nieves Roqueñí, participó güei na apertura del nuevu puntu llimpiu de Nava, una instalación de 5.000 metros cuadraos, que va dar serviciu a 5.500 persones, y na que s'invirtieron 868.210 euros.

La puesta en funcionamientu del puntu llimpiu, allugáu nuna parcela del Parque Empresarial de la Sidra, favorez la recoyida separada y el posterior reciclaxe de 14 tipos de residuos de gran tamañu o potencialmente tóxicos, que se xeneren na actividá doméstica y comercial y que nun pueden depositase xunto al restu de basura. Trátase, ente otros, d'escombros, muebles, aparatos eléctricos y electrónicos, tubos fluorescentes, llámpares de descarga, bombilles, piles y bateríes, restos vexetales de fradadura y siega, aceites, pintures, plásticos d'usu agrariu, radiografíes y envases de residuos tóxiques. Una vegada tresportaos hasta les instalaciones del Consorciu pa Xestión de Residuos Sólides d'Asturies (Cogersa), en Serín, la mayor parte va someteése a procesos de recuperación.

Roqueñí, que tuvo acompañada pol alcalde de Nava, Juan Cañal, y la xerente de Coxersa, Paz Orviz, esplicó que'l consorciu va encargase d'atender la instalación,  ente que'l Conceyu va asumir los costos esplotación, tresporte y tratamientu de la basura.

“Cola puesta en marcha del puntu llimpiu prevése que los porcentaxes de residuos apurríos xebradamente nel conceyu ameyoren notablemente, como asocedió n'otros conceyos que yá disponen d'estes instalaciones”, sorrayó la viceconseyera.

Tamién señaló que la esistencia d'un puntu llimpio “contribúi a amontar de forma significativa los niveles de reciclaxe”. Nesti sentíu, detalló que del total de residuos municipales dixebraos nel primer trimestre d'esti añu, el 50,36% vien de la xestión realizada nos puntos llimpios, ensin tener en cuenta les fracciones de recoyida viaria como envases, papel/cartón, vidriu y orgánica.

Coles mesmes, valoró la evolución de les residuos procedentes de los puntos llimpios, qu'esperimentaron una medra del 34,71% nel primer trimestre d'esti añu respectu al mesmu periodu de 2020.

Cogersa xestiona y atiende 19 puntos llimpios repartíos per tola comunidá, más otru móvil qu'empresta serviciu en zones rurales más alloñaes. Amás, existen catorce árees d'aportación d'avolumaos.

El consorciu prevé empecipiar anguaño la llicitación de trés puntos llimpios en Gozón, Llanera y Valdés. Per otra parte, evalúase la construcción d'otros cuatro, que saldríen a llicitación en 2022, y allugaríense en Parres (pa dar serviciu tamién a Cangues d'Onís), Morcín (p'atender tamién les necesidaes de Riosa y La Ribera), Proaza (p'atender los conceyos del valle del Osu) y Siero. Igualmente, prevése la creación d'árees d'aportación voluntaria en Candamu, Ponga, Cabrales y Santiso d'Abres.

Declaraciones de la viceconsejera