Categories Navigation

Categories Navigation

La Conseyería de Mediu Rural y Cohesión Territorial proyecta ameyorar la seguranza de los cruces de la carretera de Celoriu, en Llanes

21/05/2021


  • Infraestructures propón construyir trés rotondes p’acceder a les víes locales que lleven a Porrúa, Celoriu, Niembru y Barru

La Conseyería de Mediu Rural y Cohesión Territorial presentó al Conceyu de Llanes un proyectu p’ameyorar de manera sustancial la seguranza de los cruces de la carretera autonómica AS-379 al so pasu pel llugar de Celoriu, en Llanes, coles víes que conducen a Porrúa (LLN-8), Celoriu–playa de Celoriu (LLN-9) y Niembru y Barru (LLN-11).

El conseyeru Alejandro Calvo visitó güei’l conceyu, acompañáu pola directora xeneral d’Infraestructures Viaries y Portuaries, Esther Díaz, pa escuchar les necesidaes y informar al alcalde, Enrique Riestra, de los detalles del proyectu de construcción de trés rotondes nueves. Esta solución prevé, amás, que’l tueru del AS-379 comprendíu ente dos d’elles (les denominaes oeste y centru) seya de sentíu únicu escontra Ribeseya,  mentes que’l tráficu escontra Llanes use’l ramal de la LLN-8. El presupuestu calculáu de l’actuación ye de 894.487 euros.

Na actualidá, la carretera autonómica que xunta Ribeseya y Llanes tien un volume importante de circulación, sobre manera de parte branu, polo que resulta aconseyable ameyorar la seguranza de los cruces qu’invaden les carriles de circulación de l’AS-379, onde se realicen dellos xiros a la esquierda al mesmu nivel. Estes intersecciones presenten tamién problemes de visibilidá, porque una d’elles atópase na salida d’una curva y dambes nun cambéu de rasante. Too ello diba quedar resuelto cola solución propuesta pol Principáu.  


 Declaraciones consejero de Medio Rural y Cohesión Territorial (Mp3: 2,03 Mb)