Categories Navigation

Categories Navigation

El Principáu entama l’arreglu de la rampla de varada del dique d’El Gayo, en Lluanco

04/06/2021

  • La Conseyería de Cohesión Territorial tamién sacó a llicitación la obra del muelle pesquero nuevu con surtidor.

El Principáu empezó güei l'arreglu de la rampla de varada del antiguu dique d'El Gayo, nel puertu de Lluanco. Los trabayos, que van suponer una inversión cercana a los 8.000 euros, van tar remataos nuna selmana, aprosimao.

La infraestructura, de 10 metros d'anchu y más de 30 de llargor, y construyida originariamente con muries de mampostería y llábanes de piedra, presenta unu frayatu nel so arranque, na zona intramareal, que se vio agravada pol efectu de los postreros temporales y l'acción siguida del agua. Amás, dexa la rampla inservible pal so usu nos períodos de baxamar.

Les obres d'arreglu inclúin el saneamientu y la llimpieza de la rampla, nuevos anclaxes d'aceru, y l'allugamientu d'una primer capa d'escollera y una posterior de piedra, recubierta por grava, per tola superficie. A lo último, van executase anclaxes d'aceru.

Per otru llau, la Conseyería de Mediu Rural y Cohesión Territorial tien en fase de llicitación la obra del muelle pesqueru nuevu con surtidor del puertu de Lluanco. L'actuación, que se preve empecipiar nel últimu trimestre, consiste na construcción del cai, un dragáu en roca y l'instalación d'un surtidor de combustible pa usuarios profesionales.

El dique, bien esperáu pol sector, va dexar descargar pexe y cargar persones, apareyos y vitualles de forma eficiente, segura y ensin interferencies con otres actividaes coesistentes nel puertu. El presupuestu global de l'actuación ye de 1.952.188,42 euros.