Categories Navigation

Categories Navigation

Mediu Rural localiza los zalegos d’un osu pardu na contornada del pueblu d’Arbichales, en Somiedu

07/06/2021

Trabajo de campo

  • Trátase d’un exemplar mozu, que’l so cadabre va treslladase a les instalaciones del Serida pa realizar la necropsia y conocer les causes de la muerte
  • La conseyería activa un operativu onde participen efectivos de la dirección xeneral y científicos del CSIC

Efectivos de la Dirección Xeneral del Mediu Natural y Planificación Rural de la Conseyería de Mediu Rural activaron un operativu de recoyida y análisis de los zalegos d’un osu pardu cantábricu descubiertos a primer hora de la tarde en Somiedu. Nesti dispositivu participen, amás del personal técnico de la conseyería especializao nel manexu d’esta especie, científicos del CSIC que collaboren col Principáu.

El primer avisu realizáronlu vecinos de la zona a les 15.30 hores, al afayar los restos d’un exemplar mozu nun camín del llugar d’Arbichales y alertar a los axentes del Mediu Natural.

En personándose na zona, un equipu de la Patrulla Osu del Principáu activó l’operativu de recoyida d’información y análisis pa conocer les circunstancies en que se produció la muerte. Los restos recuperaos presentaben signos de foren depredados.

Nuna valoración preliminar y basándose na esperiencia acumulada nesti tipu de casos, el personal técnico considera que podría tratase d’una depredación ente osos adultos y subadultos de resultes del tiempu de celu. Nestes circunstancies, los exemplares adultos d’osu pardu escuerren a les femes y lleguen a matar les críes pa provocar el so celu.

Los restos van treslladase a les instalaciones del Serida y nos díes vinientes va practicase una necropsia pol equipu técnicu y veterinariu de la conseyería pa conocer más detalles del socesu. Va participar tamién personal especializao.