Categories Navigation

Categories Navigation

El Gobiernu del Principáu atiende en Cataluña a más de 1.700 persones interesaes na ufierta turística d’Asturies

15/06/2021

Feria B-Travel de Barcelona

  • La Conseyería de Cultura participó con un espaciu propiu na feria B-Travel de Barcelona.

El Principáu atendió a 1.778 persones interesaes na ufierta turística d’Asturies na feria B-Travel, el certame más importante de Cataluña, que se celebró esta fin de selmana. La Conseyería de Cultura, Política Llingüística y Turismu promocionó los sos planes turísticos nel mercáu catalán nun espaciu propiu, con una adaptación del estand que recibió’l premiu de sostenibilidá na edición pasada de la Fitur.

Les más de les consultes trataron sobre actividaes al aire llibre y de turismu activu, sobre manera referíes al programa Asturies a lo grande, qu’ufierta propuestes turístiques ensin costu a quien acuten dos o más nueches d’estancia. El perfil mayoritariu de los demandantes foi’l de persones interesaes nel turismu familiar con atención a la naturaleza y la cultura local.

El recintu temáticu que B-Travel destinó al turismu industrial baxo la denominación B-Industrial tamién cuntó cola presencia del Principáu. Nesti casu, Turismo Asturies atendió de forma personalizada a 336 persones.