Categories Navigation

Categories Navigation

El Gobiernu d’Asturies va collaborar col Conceyu de Piloña na adecuación d’un centru de día pa mayores en L’Infiestu

17/06/2021

La consejera de Derechos Sociales y Bienestar, Melania Álvarez, con el equipo de profesionales del IES Rey Pelayo y de Emburria, que han desarrollado un proyecto de accesibilidad cognitiva en Cangas de Onís

  • El proyectu consiste n’habilitar un espaciu dientro del local social, pero con instalaciones independientes, que se va poner en marcha nel 2022 .
  • El Principáu destina una subvención de 50.000 euros a la iniciativa d’orientación pal empléu y apoyu na rodiada qu’impulsa l’asociación Emburria.

La Conseyería de Derechos Sociales y Bienestar Social va collaborar col Conceyu de Piloña na adecuación d’un centru de día pa persones mayores dependientes que va cuntar con un espaciu d’usos múltiples de 169 metros cuadraos dientro del local social de L’Infiestu, pero con instalaciones independientes, y va ponese en marcha nel 2022.

Dambes alministraciones calculen que la obra, que va incluyir l’acondicionamientu d’una sala d’usos múltiples y la instalación de baños, va tener un costu d’alredor de los 60.000 euros y va dexar atender les necesidaes de mayores con dependencia del conceyu, que nes instalaciones nueves van recibir tratamientos y terapies específiques.

La conseyera Melania Álvarez visitó güei dellos equipamientos sociales de Piloña xunto al alcalde, Iván Allende, y espresó’l compromisu del so departamentu con esta iniciativa: “Somos conscientes de qu’hai una necesidá nel conceyu y vamos da-y respuesta”, aseguró. Nesti sentíu, sorrayó que los centros de día son “recursos esenciales” pa mayores con dalgún tipu de dependencia. “Esti proyectu tien acoyida nel nuestru apueste firme por ufiertar los meyores curiaos a toles persones que lo precisen”, amestó.

La titular de Derechos Sociales tamién tuvo esta mañana na sede de l’asociación de discapacitaos psíquicos y paralíticos cerebrales Emburria, allugada en Cangues d’Onís, y a la que la conseyería destina anguaño una subvención nominativa de 50.000 euros pal desenvolvimientu del so proyectu d’orientación al empléu y apoyu na rodiada.

Emburria ye una entidá ensin ánimu d’arriquecimientu que desenvuelve un llabor bien importante pola integración dende’l 2002 y anguaño atiende a 63 persones con edaes ente los 3 y los 65 años. El so trabayu céntrase na promoción del inxertamientu llaboral de persones con discapacidá y nel refuerzu de la so autonomía personal. Tamién-yos ufierta los sofitos necesarios pa que puedan llevar una vida normalizada. “Pa cumplir estos oxetivos, l’asociación va cuntar siempre col respaldu del Gobiernu d’Asturies”, señaló Álvarez.


Declaraciones de la Consejera de Derechos Sociales