Categories Navigation

Categories Navigation

El Gobiernu d’Asturies destina 11,6 millones a fortalecer la formación y cualificación de más de 1.800 persones en paru

17/06/2021

  • L’Executivu aprueba una partida adicional de 6.732.000 euros pa escueles y talleres d’empléu, que van cuntar con 16,4 millones pa 46 proyectos y van beneficiar a 678 participantes.
  • Otros 4,9 millones van dedicase a iniciatives formatives pa 1.200 desempleaos de llarga duración.
  • El Principáu va conceder 993.872 euros n’ayudes a entidaes especializaes que trabayen pa evitar el deterioru de los entornos familiares y garantizar la protección de menores.

El Gobiernu d’Asturies autorizó güei un gastu de 11.686.559 euros pa impulsar polítiques actives d’empléu y fortalecer la formación de persones paraes de llarga duración.

Los fondos aprobaos distribúyense d’esta manera:

6.732.381 euros más pa escueles taller y talleres d’empléu.

L'Executivu aprobó una partida adicional de 6.732.381 euros pa financiar la convocatoria de subvenciones empobinaes a la puesta en marcha d'escueles taller y talleres d'empléu esti añu y el que vien. Tres d’esta ampliación, dambos programes van cuntar con un presupuestu total de 16.431.303 euros, lo que va dexar financiar 46 proyectos de 38 entidaes nos que van participar 678 persones.

Dende'l so entamu, en 1985, les escueles taller consolidáronse como una midida eficaz d'insertamientu al traviés de la cualificación y profesionalización de paraos menores de 25 años. Los últimos análisis de la evolución del mercáu llaboral confirmen la importancia d'esta iniciativa, que fomenta l'empléu y refuerza la cualificación. Los proyectos duren 18 meses, distribuyíos n'una primer fase de 6 meses, de calter formativu, y dos más de formación n'alternanza cola práctica profesional, tamién de 6 meses caúna.

Pela so parte, los talleres d'empléu combinen acciones de formación y empléu col fin d'ameyorar les posibilidaes d'allugamientu de persones de 25 años o más con especiales dificultaes d'insertamientu llaboral. Tienen una duración total de 12 meses, distribuyíos en dos fases de formación n'alternanza col empléu de 6 meses caúna.

4.954.178 euros para acciones de formación para el empleo.

El Conseyu tamién autorizó un gastu de 4.954.178 euros destináu a un programa d'acciones de formación pal empléu empobinaes preferentemente a paraos de llarga duración. Con esta iniciativa, financiada nun 80% pol Programa Operativu 2014-2020 del Fondu Social Européu, el Serviciu Públicu d'Empléu del Principáu (Sepepa) va impartir formación y asesoramientu a cerca de 1.200 persones que tienen niveles formativos baxos o precisen actualizar conocimientos pa incorporase al mercáu de trabayu.

Los cursos van dar prioridá a conteníos de les disciplines y sectores d'actividá con mayor demanda llaboral, ente los que figuren les árees de la metalmecánica, la transición ecolóxica p’hacia la enerxía verde y l'eficiencia enerxética, l'automatización industrial y l'área de formación venceyada al cuidáu de les persones y l'atención sociosanitaria.

Les persones que participen nestes acciones van poder optar a beques y ayudes, pa lo que s'acutó una partida de 150.000 euros con cargu a fondos procedentes de les Conferencies Sectoriales d'Empléu y Educación.

La formación pa paraos de llarga duración ta incluyida nel conxuntu de polítiques actives d'empléu que desenvuelve'l Gobiernu d'Asturies y a les que destina anguaño 105 millones, la cuantía más alta hasta agora, y cola que pretende beneficiase a unes 25.000 persones.

 

Protección de la infancia y les families

El Gobiernu d'Asturies dio lluz verde a una partida de 993.872 euros pa la concesión de subvenciones a entidaes collaboradores d'integración familiar y otres organizaciones ensin ánimu d'arriquecimientu pal desenvolvimientu de programes empobinaos a la infancia y les families nel ámbitu de los servicios sociales especializaos.

Con esta partida van podese financiar programes y midíes preventives empobinaes a evitar les causes qu'anicien el deterioru del entornu sociofamiliar de los menores y amenorgar el riesgu de marxinación.