Categories Navigation

Categories Navigation

El Principáu sofita con 569.000 euros la creación d'empléu y la innovación nel sector pesqueru

22/06/2021

  • Los fondos financiaren estratexes de desenvolvimientu participativu de los siete grupos d'acción local 
  • Dende’l 2016 concediéronse nesti ámbitu alredor de 2,5 millones en subvenciones 
     

La Conseyería de Mediu Rural y Cohesión Territorial convocó ayudes por 569.011 euros pal desenvolvimientu d'acciones que fomenten la creación d'empléu y la innovación nel sector pesqueru. Trátase de trés convocatories de llinies de sofitu que tán cofinanciaes pola Unión Europea (UE) gracies al Fondu Européu Marítimu y de la Pesca (Femp).

Los fondos financien les estratexes de desenvolvimientu local participativu (Galp), que se canalicen al traviés de los siete grupos d'acción local de pesca del Principáu. Tán dirixíes a entidaes locales, privaes y ensin ánimu d'arriquecimientu pa impulsar proyectos que cumplan estos oxetivos: 

  • Aumentu del valor, creación d'empléu, atracción de xente mozo y promoción de la innovación en toles fases de la cadena de suministru de los productos de la pesca y l’acuicultura.
  • Sofitu a la diversificación dientro o fuera del sector comercial, al aprendimientu permanente y a la creación d'empléu en zones pesqueres y acuícoles.
  • Impulsu y aprovechamientu del patrimoniu medioambiental de les zones pesqueres y acuícoles, incluyíes les operaciones de mitigación del cambéu climáticu.
  • Fomentu del bienestar social y del patrimoniu cultural de les zones pesqueres y acuícoles, incluyíu'l patrimoniu cultural pesqueru, acuícola y marítimu.
  • Refuerciu del papel de les comunidaes pesqueres nel desenvolvimientu local y de la gobernanza de los recursos pesqueros y actividaes marítimes locales.

La distribución de la cuantía total de les trés convocatories, por entidaes y añu, ye la siguiente:

ENTIDAES20212022Total
Privaes41.581,00151.823,38193.404,38
Locales22.247,00126.715,88148.962,88
Ensin ánimu d’arriquecimientu47.083,72179.560,74226.644,46
Total110.911,72458.100,00569.011,72

 

Dende’l 2016 concediéronse 2.436.193 euros en subvenciones d'esta mena, que favorecieron la puesta en marcha d'iniciatives singulares de diversificación pesquera, la restauración d'elementos del patrimoniu marineru o la incorporación de sistemes d'enerxía anovables en rules de la rexón.