• L’actuación enmárcase nel plan de renovación de infraestructures pesqueres y cuenta con financiación del Fondu Européu Marítimu y de Pesca .

La Conseyería de Mediu Rural y Cohesión Territorial va invertir 491.154 euros na construcción d'un nuevu carru de varada en Veiga, nel conceyu de Navia.

El director xeneral de Pesca Marítima, Francisco González, presentó güei el proyectu al alcalde, Ignacio García, nuna xunta na sede del Conceyu. González esplicó que se trata d'una importante intervención, que va permitir dar respuesta a les necesidaes de la flota actual, de mayor tamañu, y sustituyir la infraestructura qu'ufierta serviciu agora, que se quedó obsoleta.

L'actuación, que cunta con financiamientu del Fondu Social Européu Marítimu y de Pesca (FEMP), enmárcase nel plan de renovación y modernización d'infraestructures pesqueres, diseñáu pol Gobiernu d'Asturies pa facer frente a les necesidaes y demandes del sector. “L'oxetivu ye ameyorar les condiciones de trabayu de la nuestra flota, dotando los nuesos puertos de toles infraestructures que permitan el desenvolvimientu de l'actividá pesquera nes meyores condiciones de seguridá”, señala'l director xeneral.

Veiga ye unu de los puertos pesqueros más emblemáticos del Principáu y tien una de les flotes más numberoses de la zona occidental de la comunidá.

Declaraciones del Director General de Pesca Marítima (mp3: 800 Kb)