• Les obres van permitir acondicionar 3,5 kilómetros de pista nuna zona rica en pastos y de gran actividad ganadera y cinexética.

El Principáu va executar obres de meyora nos accesos a La Collada na zona de Cueva-Llagar y l’entornu del Arboretu Atlánticu, nel conceyu de Tameza, con una inversión total de 86.000 euros. El conseyeru de Mediu Rural y Cohesión Territorial analizó güei los proyectos nuna xunta cola alcaldesa, María Díaz, a la qu'asistió tamién el director xeneral d'Infraestructures Rurales y Montes, Fernando Prendes.

En La Collada van invertise 77.000 euros p'acondicionar 3,5 kilómetros de pista. Les obres van consistir nel afitamientu del firme, el formigonáu de les zones de mayor pendiente y la instalación de sangraderes y arquetes nes zones de mayor riesgu de deterioru por agües. Esta intervención compleméntase con otra yá axudicada nesti área, de 97.000 euros, y cola que s'ameyoren 5,6 kilómetros d'una pista colindante que va dende la Cruz de Llinares, nel conceyu de Proaza, hasta la los pastos de Cueva-Llagar.

Estes obres van permitir ameyorar los accesos d'una zona rica en pastu y de gran actividá ganadera y cinexética, na qu'amás se celebren feries.

Les obres nel Arboretu Atlánticu, que yá s'axudicaron por 9.000 euros, van centrase n'ameyorar la redolada del Aula de la Naturaleza de la Fundación Vital y tamién van permitir realizar un inventariu d'esti xardín botánicu, dedicáu demanera a árboles y otres plantes maderices, p'actualizalu.

L’arboretu, que ta dedicáu a Ricardo Acebal del Cueto, ta integráu por trés rodales d'árboles, ente los que destaquen variedaes de cedru (del Llíbano, Atles y del Himalaya), araucaria, sequoia xigante, ginkgo biloba y diverses especies de ciprés.