• Vipasa yá contactó coles persones afectaes y cola delegación tributaria valenciana pa subsanar la situación.

La Conseyería de Derechos Sociales y Bienestar alerta del unviu por error a ocho persones inquilines de viviendes públiques del Principáu d’una notificación d’embargu emitida pola Axencia Estatal d’Alministración Tributaria de Valencia onde-yos indiquen que tienen que pagar les rentes mensuales directamente a esti organismu valencianu.

Según esplica’l director xeneral de Vivienda, Fermín Bravo, dende la empresa pública Vipasa yá se contactó con toles persones afectaes y cola delegación de l’Axencia Estatal d’Alministración Tributaria de Valencia pa iguar la situación lo primero posible. “Trátase d’un error na comunicación del embargu, que se tendría que facer a una empresa con sede en Valencia, que nun opera n’Asturies y que nun tien rellación nenguna col Principáu nin con Vipasa”, precisó.

Vipasa colgó na so web una comunicación oficial onde avisa d’esta incidencia pa informar con tola tresparencia a posibles persones afectaes, por si pudiere dase dalgún casu más. Tamién informó sobre’l casu a tolos alministradores de finques colos que trabaya la empresa pública y a los sos trabayadores.