La Conseyería de Mediu Rural y Cohesión Territorial sacó a licitación en 137.315 euros, IVA incluyíu, les obres pa meyorar caminos en dellos montes d’Oleiros, en Cuideiru, y Les Regueres. Los trabayos van facilitar los usos agrarios, deportivos y d’esplotación forestal nunes árees mui asemeyaes en cuantes a orografía, producción y necesidaes.

La obra céntrase en reparar cinco caminos y pistes forestales de la zona, incluyendo l’adaptación y llimpieza de cunetes nes áreees más propenses a la erosión pol agua. Tamién van ponese espacios d’acopiu y seguridá. D’esta manera, búscase brindar un usu complementariu y tresversal pa los montes, al tiempu que se creen accesos afayadizos pa la maquinaria forestal más moderna.

La empresa axudicataria va tener un plazu máximu de cuatro meses pa desenvolver los trabayos.