Categories Navigation

Categories Navigation

El programa integral de dixitalización del comerciu minorista d’Asturias algama un grau d’execución del 75% en siete meses

14/09/2021
El consejero de Industria, Empleo y Promoción Económica, Enrique Fernández, en la presentación del proyecto DICA
  • La iniciativa dexó evaluar en 70 conceyos 751 tiendes, de les que 370 ya cunten con diagnósticu y plan d’acción
  • 18 asociaciones firmaron alcuerdos de collaboración pa identificar destinatarios potenciales y dinamizar los negocios
  • La Conseyería d’Industria promueve un sellu de compromisu dixital que va distinguir a los establecimientos que completen l’itinerariu d’acompañamientu

 

El Programa Integral de Dixitalización del Comerciu d'Asturies (DICA) 2021-2023, que se punxo en marcha en febreru, executóse yá nun 75%. Esta iniciativa, con un desenvolvimientu técnicu que corrió al cargu de la Fundación CTIC, dexó evaluar hasta agora 751 negocios en 70 conceyos. El propósitu p’anguaño ye llegar a mil establecimientos.

De los comercios esaminaos, 379 yá se xuntaron oficialmente y 370 cunten con una evaluación refecha y un plan d'acción a seis meses vista p’avanzar nel procesu de digitalización col sofitu d'un asesor tecnolóxicu. Les tiendes que completen l'itinerariu van recibir un sellu de compromisu dixital que va reconocer l'esfuerzu realizáu nel serviciu al veceru.

El conseyeru d'Industria, Empléu y Promoción Económica, Enrique Fernández, presentó güei les primeres resultancies del DICA nel centru d'innovación RuralTech de la Fundación CTIC en Pion (Villaviciosa), según les próximes actuaciones que se van poner en marcha. Fernández tuvo acompañador pol alcalde de Villaviciosa, Alejandro Vega; el director xeneral de Comerciu, Entamadores y Economía Social, Julio González Zapico, y el director xeneral de CTIC, Pablo Priesca.

Según esplicó'l titular d'Industria, l'análisis constató que'l nivel de digitalización del comerciu de proximidá d'Asturies ye baxu, polo que resulta necesaria impulsar el tresformamientu del sector pa que se afaiga a les necesidaes y preferencies actuales de los consumidores. De los 751 establecimientos evaluaos, el 70,4% tien un grau básicu de dixitalización, un 23,7% nivel mediu y namás el 6,3% amuesa un nivel avanzáu.

Per otra parte, solo'l 32,8% de los negocios dispón de páxina web. Tocantes a les tiendes virtuales propies, el porcentaxe amenorga al 19,7% (148 de los 751 comercios analizaos), ente que el 12,9% cuenta con una canal de vienta en redes sociales. L'usu de market places asítiase nel 6,3%.

L'análisis tamién desvela que l'usu de redes sociales céntrase fundamentalmente en Facebook (un 85,4% tien perfil, magar l'aprovechamientu posterior de la canal ye desigual), siguíu por Instagram, con un 65,2%. El perfil de Tik Tok ye residual (7,6%). Polo que respecta a Google My Business, un 64,8% tien ficha nesta aplicación y namás el 29,3% usa WhatssApp Business pa comunicase cola so vecería.

De cara a los próximos meses, los esfuerzos van centrar en detectar y sofitar a los comercios innovadores, buscando fórmules de financiamientu. Tamién se van desenvolver siquier dos proyectos piloto pa validar nuevos apuestes tecnolóxicos pal sector.

Dende la puesta en marcha del programa, algamáronse alcuerdos de collaboración con 18 asociaciones vinculaes al comerciu en distintos conceyos: Llangréu, Villaviciosa, Cangas, Corvera, A Veiga, El Franco, Navia, Siero, Llanera, Llaviana, Castrillón, Samartín del Rei Aurelio, Uviéu, Cangues d'Onís, Mieres, Avilés y Xixón, que dexen identificar potenciales destinatarios y fomentar la participación.

El DICA, pal que se previó una inversión de 5,1 millones hasta 2023, quier facilitar los procesos de digitalización del comerciu de proximidá, con especial atención al ámbitu rural.


Demostrador de soluciones innovadoras

Nel actu celebráu esta mañana tamién se presentó un demostrador de soluciones innovadores qu’enseña l’usu de distintes aplicaciones al traviés d’exemplos concretos pa distintos establecimientos. Nos próximos meses, cuatro répliques del demostrador van llevase a distintos puntos del Principáu pa facilita-yos a los comerciantes la visita. Paralelamente, van entamase actividaees de dinamización y divulgación.