• Les subvenciones van llegar a nueve conceyos de menos de 20.000 habitantes y siete entidaes ensin ánimu d'arriquecimientu.

La Conseyería d'Alministración Autonómica, Mediu Ambiente y Cambéu Climáticu publicó güei nel Boletín Oficial del Principáu d’Asturies (BOPA) la concesión de 40.000 euros en subvenciones a nueve conceyos de menos de 20.000 habitantes y a siete entidaes ensin ánimu d'arriquecimientu pa fomentar la participación y sensibilización medioambiental.

Los conceyos que se presentaron a la convocatoria consiguieron ayudes que sumen en total 39.959 euros. Trátase de los conceyos de Miranda, Cangues d'Onís, Castropol, Gozón, L.lena, Parres, Ponga, Ribeseya y Villaviciosa.

Les actuaciones subvencionaes a los conceyos de Parres, Gozón, Cangues d'Onís, Villaviciosa, Ponga y Miranda tán destinaes a campañes d'información y sensibilización sobre'l cambéu climáticu y la economía circular, la transición ecolóxica o la xestión de residuos domésticos, mentes que Castropol va destinar l'ayuda al desenvolvimientu d'una ordenanza municipal de xestión de residuos sólidos urbanos. Pela so parte, Ribeseya va destinar la subvención nel cálculu de la buelga de carbonu de distintes instalaciones y L.lena, nun cursu d'enerxía eólica.

La conseyería destinó tamién 19.840 euros a siete entidaes ensin ánimu d'arriquecimientu de los que cuasi 15.000 diríxense a actuaciones rellacionaes cola economía circular, tanto de sensibilización como de formación. Les organizaciones beneficiaries son: Fundación de Trabajadores de la Siderurgia integral, Expoacción Organización Solidaria, Asociación de Jóvenes Empresarios del Principado de Asturias, Club Asturiano de la Innovación, asociación Partycipa, Club Asturiano de Calidad y Cooperativas Agroalimentarias del Principado de Asturias.