• La Conseyería de Cultura entama esti eventu profesional dirixíu a vendedores de productos turísticos venceyaos al Camín de Santiago .
• El foru va favorecer la celebración de más de 2.000 alcuentros de negociu ente los sos participantes ente güei y mañana.

El I Alcuentru Comercial de los Itinerarios del Norte del Camín de Santiago, entamáu pol Gobiernu del Principáu, axunta n'Uviéu a 33 operadores procedentes de 12 países y 70 empreses asturianes. La conseyera de Cultura, Política Llingüística y Turismu, Berta Piñán, inauguró güei esti foru, que va clausurase mañana.

Esti ye'l primer eventu de calter profesional dirixíu a operadores turísticos especializaos en grandes percorríos qu'ufierten o van ufiertar programes venceyaos a les rutes xacobees y, más concretamente, colos itinerarios del norte.

Prevése qu'a lo llargo d'estes dos xornaes celébrense más de 2.000 xuntes ente operadores y empreses participantes coles mires de favorecer alcuerdos de calter comercial.

Primero de les xornaes puramente comerciales, los operadores participaron en viaxes de familiarización pa llograr una conocencia más adaptada de la ufierta asturiana venceyada col Camín de Santiago, les sos infraestructures viaries, agospiamientos, guíes, restoranes, etcétera. Estes xornaes, qu'empezaron el vienres pasáu, plantéguense dende una perspectiva temática centrada nos caminos Primitivu, de la Costa y d’El Salvador, y incluyeron una propuesta venceyada al cicloturismu.