• El Sepepa financia con 16 millones dos convocatories nueves de planes d’empléu y contratos en práctiques pa promover l’inxertamientu llaboral .
• Las contrataciones, que van durar un añu, desenvuélvense en 77 conceyos, ente los que figuren Xixón, Uviéu, Siero, Tapia, Ribeseya, Llanes, Cangues d’Onís o Villayón .
• Planes locales d’empléu.
• Contratos en práctiques.

El Serviciu Públicu d’Empléu del Principáu (Sepepa) destina 16 millones a sofitar a los conceyos asturianos nel desenvolvimientu de dos programes vinculaos a la meyora de la empleabilidá que van beneficiar a 777 persones anguaño y l’añu que vien: los planes locales d’empléu y los contratos en práctiques pa mocedá desempleao inscrito nel Sistema de Garantía Xuvenil.

En dambos casos, los contratos van durar un añu y les convocatories súmense a les que yá tán anguaño en marcha nos conceyos.

Planes locales d’empléu

• A esta iniciativa destínense 11,5 millones pa la contratación de 552 paraos de duración llarga (161 muyeres y 391 homes) que van desempeñar xeres programaes polos conceyos, como la recuperación d’espacios estrozaos, proyectos nuevos d’atención a persones dependientes, programes d’ociu alternativos pa mocedá o rehabilitación d’edificios.
• Esti programa, cofinanciáu nun 80 % pol Programa Operativu Rexonal del Fondu Social Européu d’Asturies 2014-2020, desenvuévese en 77 conceyos y busca que cada participante llogre meyores condiciones pa incorporase al mercáu llaboral en teniendo un añu d’esperiencia llaboral.
• ​​​​​​​Ente los conceyos con planes locales d’empléu figuren Xixón, Uviéu, Siero, Tapia, Ribeseya, Llanes, Cangues d’Onís, Cabrales, Cangas del Narcea, Villayón, Samartín d’Ozcos, San Tiso d’Abres, Ribadeva, Ponga o Pezós.

Contratos en práctiques

El Sepepa dedica 4.500.000 euros a financiar los costos salariales de contratos en práctiques que formalicen los conceyos con mocedá desempleao. Nesti casu, prevése la contratación de 225 persones con una titulación sacada nos postreros 5 años (universitaria, de formación profesional, titulaciones equivalentes o certificaos de profesionalidá).

Estes dos llinies de subvenciones formen parte del conxuntu de polítiques actives d’empléu que desenvuelve’l Gobiernu d’Asturies y a les qu’anguaño se destinen 122 millones, la cantidá más alta hasta agora, cola que quier beneficiase a más de 25.000 persones.

Estes polítiques actives incluyen estes midíes:

• Programes de formación pa paraos y persones ocupaes d’inxertamientu xuvenil como Ocúpate.
• Contratos en práctiques en conceyos pa mocedá con formación universitaria o con formación profesional, qu’ufierten una primer esperiencia llaboral.
• Planes locales d’empléu, que tienen una importancia social y económica fundamental nel territoriu.
• Les escueles taller y les cases d’oficiu.
• Los talleres d’empléu.
• La llinia d’ayudes y subvenciones pal caltenimientu de l’actividá de los centros especiales d’empléu.
• ​​​​​​​​​​​​​​Los procesos d’acreitación de competencies.

Declaraciones del gerente del SEPEPA (mp3: 818 Kb)