• Chefs, guisanderes y especialistes en repostería recibieron güei esta distinción, que premia los valores de la cocina asturiana.

El Principáu nomó güei a 32 profesionales de la restauración embaxadores de la gastronomía rexonal, nun actu celebráu nel Centru Niemeyer con motivu del Día de la Hostelería y presidíu pola viceconseyera de Turismu, Graciela Blanco, y l'alcaldesa d'Avilés, Mariví Monteserín. Por aciu la entrega simbólica d'una chaquetina personalizada col lema Cocina de paisaxe, reconozse'l so llabor, el so precuru y la so dedicación nesti campu. Les persones distinguíes son les siguientes:

• Chef Nacho Manzano, Restaurante Casa Marcial.
• Chef Marcos Morán, Restaurante Casa Gerardo.
• Chef Pedro Morán, Restaurante Casa Gerardo.
• Chef Ricardo Sotres, Restaurante El Retiro.
• Chef Jaime Uz, Restaurante Arbidel.
• Chef Gonzalo Pañeda, Restaurante Auga.
• Chef José Antonio Campoviejo, Restaurante Corral del Indianu.
• Chef Isaac Loya, Restaurante Real Balneario de Salinas.
• Chef Esther Manzano, Restaurante La Salgar.
• Chef Ramona Menéndez, Restaurante Casa Belarmino.
• Chef María Busta Rosales, Restaurante Eutimio.
• Chef Mary Fernández, Restaurante Mesón Centro.
• Chef Ana Fe Fernández Areces, Restaurante El Cenador del Azul.
• Chef José Manuel Viejo, Restaurante La Huertona.
• Chef Abel Álvarez, Restaurante Güeyu-Mar.
• Chef Abel Terente, Restaurante El asador de Abel.
• Chef Javier Loya, Restaurante Mestura.
• Chef Iván Fernández Feito, Restaurante Ca' Suso.
• Chef Pablo Montero, Restaurante Gunea.
• Chef Diego Fernández, Restaurante Regueiro.
• Chef Luis Alberto Martínez, Restaurante Casa Fermín.
• Chef Pedro Martino, Restaurante Pedro Martino.
• Chef Lara Rodríguez, Restaurante Kraken.
• Chef Xune Andrade, Restaurante Monte.
• Chef Elio Fernández, Restaurante Ferpel.
• Chef Javier Álvarez, Restaurante Casa Farpón.
• Chef Pepe Ron, Restaurante Bar Blanco.
• Chef Juan Rivero, Casa Tataguyo.
• Chef Viri Fernandez, Restaurante El llar de Viri.
• Repostero Jhonatan González, de Cabo Busto.
• Repostero Julio Blanco, de Pomme Sucre.
• Repostero Miguel Sierra, de Spanish Vitality.

Munchos d'estos profesionales, ente los que figuren chefs, guisanderes, reposteros y sagues familiares dedicaes a la restauración, cunten con reconocencies a distintos niveles. La distinción que-yos concede'l Gobiernu d'Asturies enmárcase na campaña d'allugamientu gastronómicu que se desenvuelve sol lema Cocina de paisaxe y que tien, ente otros oxetivos, desestacionalizar la demanda. El Principáu reivindica d'esta miente los valores d'Asturies como territoriu gastronómicu, los sos productos y el so talentu culinariu. La cocina de paisaxe constitúi'l puntu d'alcuentru ente'l mediu natural, el productu y la cocina asturiana, de la que constrúi una estratexa de la mano de los profesionales del sector.

Dientro de les acciones que promueve esti plan d'allugamientu tamién destaca la participación en foros y eventos temáticos, mesmo que’l sofitu a iniciatives venceyaes a la gastronomía, como los Worlds Cheese Awards o'l Congresu Internacional de Gastronomía, Muyeres y Mediu Rural FéminAS, celebráu en septiembre.

Tres el nomamientu de el embaxadores, descubriose una escultura na plaza del Centru Niemeyer n'homenaxe al sector hosteleru. La pieza, que se va caltener nesi allugamientu mientres les próximes selmanes, forma parte d'una iniciativa nacional pa reivindicar la importancia económica de la hostelería, sol lema Volvamos a comer el mundo.