Categories Navigation

Categories Navigation

El Idepa concede 681.250 euros n’ayudes a autónomos y pymes pa favorecer el desenvolvimientu empresarial y la innovación

27/10/2021

  • L’Institutu de Desenvolvimientu Económicu aprueba subvenciones pa 151 proyectos que van movilizar una inversión de 1,3 millones .

L'Institutu de Desenvolvimientu Económicu del Principáu (Idepa) concedió 681.250 euros n'ayudes a 151 proyectos empresariales que van movilizar una inversión inducida de 1,3 millones.

Les subvenciones enmárquense nel Programa de Cheques, empobináu a ameyorar la competitividá de les pequeñes y medianes firmes cola contratación de servicios tecnolóxicos y de consultoría ufiertaos por centros o empreses especializaes nos campos de la Estratexa d'Especialización Intelixente (S3). Esta planificación prioriza les llinies d'actuación de les polítiques del Gobiernu d'Asturies nes árees económiques nes que la rexón tien ventayes competitives.

La convocatoria cunta con dos llinies complementaries. La primera correspuende a los cheques d'innovación, que tien acciones subvencionables qu’inclúin asesoramientu tecnolóxicu, digitalización de la empresa y consultoría para la certificación y diseñu.

La segunda, denominada cheques pal desenvolvimientu empresarial, inclúi la xestión del protocolu familiar, la profesionalización na xestión, el crecimientu y el siguimientu empresarial.

 

Pa la primer modalidá aprobáronse 129 solicitúes con una subvención global de 621.250 euros, ente que nel apartáu de desenvolvimientu empresarial destináronse 60.000 euros a 22 iniciatives. Son resultaos similares a los alcanzaos na convocatoria del añu pasáu.