Categories Navigation

Categories Navigation

El Principáu abre’l procesu de participación pública de la futura Llei d’Ordenación del Territoriu d’Asturies

28/10/2021
  • Una encuesta propón, al traviés de 37 preguntes, que la ciudadanía intervenga na ellaboración de la normativa nuevo.

La Conseyería de Mediu Rural y Cohesión Territorial abrió'l procesu de participación pública del anteproyectu de Llei Integral d'Ordenación del Territoriu d'Asturies (Loita) pa que la ciudadanía pueda intervenir na ellaboración de la futura normativa.

Al traviés d'un cuestionariu de 37 preguntes que yá ta disponible n'internet, toa persona interesada va poder analizar les ventayes ya inconvenientes de vivir n'Asturies. Con esta encuesta búscase conocer la percepción de los ciudadanos en temes como'l mediu ambiente, la vivienda, los espacios públicos, los equipamientos deportivos o culturales, la movilidá, l'actividá económica y la ordenación territorial.

El formulariu, que puede rellenase en pocos minutos, va suponer una fonte d'información de primer mano pa siguir la redacción de la Loita que lleven a cabu'l Gobiernu del Principáu y l'Universidá d'Uviéu. El plazu pa rellenar el formulariu, al que s'apuerta nel siguiente enllaz https://cutt.ly/iRGZzuF, termina'l 26 de payares.