Categories Navigation

Categories Navigation

Educación abre un plazu d’inscripción nuevu de 20 díes pa les oposiciones del cuerpu de maestros

29/10/2021

Un momento de la reunión

  • Los aspirantes yá inscritos nel procedimientu van poder aportar más méritos nesti periodo .

La Conseyería d'Educación va abrir un plazu nuevu de 20 díes pa la presentación de solicitúes pa les oposiciones del cuerpu de maestros previstes pa xunu y que suponen la convocatoria de les 398 places de la ufierta pública d'empléu (OPE) de 2020. Esti nuevu periodu encadénase al que ta abiertu nestos momentos y que remata'l 9 de payares.

Les persones que presentaren la instancia nel primer plazu nun van tener que volver formalizar la solicitú, pero sí van cuntar cola posibilidá de modificar, completar o incorporar documentación nuevo, si asina lo consideren.

El director xeneral de Personal Docente, Miguel Sariego, treslladó esta información a la Xunta de Personal Docente non Universitariu nuna xunta telemática celebrada esta mañana. Les organizaciones sindicales recibieron con antelación la documentación cola resolución de cambéu de la convocatoria publicada'l 8 d'ochobre, na que se detectaren errores.

Na xunta, el director xeneral esplicó los cambeos introducíos y señaló que los futuros opositores van poder incluyir los méritos que consideren oportunos conforme al baremu que se va publicar.

La OPE de 2020 suma 347 places de la tasa de reposición, 17 más que dexa la lexislación pa compensar l'altu volume de xubilaciones y otres 34 correspondientes al 5% de la tasa de reposición adicional non executada notres árees de l'Alministración. El Gobiernu d'Asturies decidió concentrar estos recursos n'Educación coles mires d'amenorgar la tasa d'interinidá.

Les especialidaes incluyíes na OPE de 2020 son les d'Educación Infantil, Educación Primaria, Inglés, Educación Física, Música, Pedagoxía Terapéutica y Audición y Llinguaxe. El cupu reserváu pa persones con discapacidá xube a 28 places.