Categories Navigation

Categories Navigation

Asturies concentra el 53% de los proyectos de inversión empresarial en municipios mineros subvencionaos pol Institutu para la Transición Xusta

02/11/2021
  • L'organismu concede 6,6 millones n'ayudes a 82 iniciatives d'empreses de la comunidá autónoma .
  • Les actuaciones van permitir la creación de 236 puestos de trabayu ya impulsen un desembolsu de 43,6 millones .

Asturies foi la principal beneficiaria de les ayudes concedíes pol Institutu para la Transición Xusta (ITX) para la promoción d'inversiones empresariales y pequenes proyectos d'inversión nes comarques mineres al concentrar el 53% de les iniciatives aprobaes a nivel nacional.

Acordies cola resolución provisional publicada pol organismu dependiente del Ministerio de Transición Ecológica y Reto Demográfico,, 82 proyectos presentaos por empreses asturianes recibieron ayudes por valor de 6,6 millones, lo que representa'l 36% de les subvenciones concedíes pol ITX na convocatoria d'esti añu.

Estes actuaciones movilicen una inversión subvencionable de 43,6 millones y prevén la creación de 236 empleos nos conceyos mineros. A nivel nacional, l'Institutu pa la Transición Xusta concedió ayudes por importe de 18,4 millones a 154 proyectos.

Estos resultaaos correspuenden a la convocatoria del ITX de les llinies d'ayudes Miner y Miniminer pa proyectos d'inversión xeneradores d'empléu nes comarques mineres. N'Asturies, l'Institutu de Desenvolvimientu Económicu del Principáu d'Asturies (Idepa) actúa como organismu collaborador.

L'oxetivu d'estes ayudes ye asegurar el desenvolvimientu económicu alternativu sostenible para les árees xeográfiques afectaes pol zarru de les esplotaciones mineres, de cara a apangar los efectos desfavorables pal empléu y l'actividá económica de les mesmes y apurriendo alternatives de futuru.

Nes ayudes a pequeños proyectos d'inversión (Miniminer), Asturies sumó, con 66 iniciatives, el 59% de los proyectos aprobaos n'España y una subvención concedida de 2,1 millones, lo que supoón un 55% del total de la convocatoria. Estos proyectos prevén la creación de 69 empleos.

Na convocatoria de grandes proyectos d'inversión (llinia Miner) aprobáronse 16 proyectos que suponen el 38% del total de la convocatoria, con una subvención concedida de 4,5 millones (31%) y la creación de 168 puestos de trabayu.

Con estos resultaos, les cifres p’ Asturies ameyoren significativamente al respective de los alcanzaos na última convocatoria, nel añu 2018, na que s'aprobaren 71 proyectos con una subvención concedida de 3,5 millones y la creación de 158 puestos de trabayu.

Les acciones subvencionables de dambes llinies promueven inversiones destinaes a terrenos y obra civil, bienes d'equipu, instalaciones, maquinaria, planificación, inxeniería de proyectu, otres inversiones materiales y activos materiales.

Mesmo les empobinaes a grandes proyectos d'inversión (Miner) como les destinaes a pequenos proyectos (Miniminer) son a xeitu perdíu pa la inversión de proyectos empresariales xeneradores d'empléu. Pueden beneficiase persones físiques o xurídiques privaes con personalidá xurídica, mesmo que’agrupaciones integraes por elles, les comunidaes de bienes y los trabayadores autónomos con un proyectu d'inversión.

 

Nes últimes convocatories de les ayudes a les comarques mineres, nel periodu 2014-2018, aprobáronse 302 proyectos n'Asturies que xeneraron inversiones por valor de 220 millones y la creación de 806 puestos de trabayu. La subvención concedida a estos proyectos algamó los 26,7 millones.