Categories Navigation
Categories Navigation
El Gobiernu d'Asturies llicita trés contratos p’ameyorar la señalización y les barreres de seguranza de la rede viaria autonómica
- La inversión, de calter plurianual, va superar los 5 millones en cuatro años.
El Gobiernu d'Asturies sacó a llicitación trés contratos, por valor de 5.026.806 euros, destinaos al caltenimientu de la rede de carreteres del Principáu. Trátase de trés actuaciones estremaes que van dexar ameyorar la señalización horizontal y vertical y reponer les barreres de seguranza estropiaes na rede viaria de titularidá autonómica.
El presupuestu tien calter plurianual y recueye partíes pa los cuatro exercicios próximos, con esta distribución:
| Anualidaes | Señalización horizontal | Señalización vertical | Reposición de barreres |
| 2021 | 179.995,44 | 172.499,88 | 150.185 |
| 2022 | 719.982 | 689.999,91 | 600.740,67 |
| 2023 | 719.982 | 689.999,91 | 600.740,67 |
| 2024 | 179.905,44 | 172.500 | 150.185,19 |
| TOTAL | 1.799.954,88 | 1.724.999,70 | 1.501.851,69 |
El Principáu realiza un esfuerzu importante pol caltenimientu de les carreteres asturianes qu'incluye l'apueste pol personal propiu y los centros de trabayu, la renovación de maquinaria, la meyora de la xestión alministrativa y les obres necesaries.
El plazu pa presentar ufiertes a caúna d'estes trés llicitaciones va rematar el 27 d'avientu.