Categories Navigation

Categories Navigation

El Principáu firma una declaración conxunta coles comunidaes autónomes p’avanzar na calidá de la cooperación al desenvolvimientu y vacunar a más persones frente a la covid-19

29/11/2021

La directora de la Agencia Asturiana de Cooperación al Desarrollo, Beatriz Coto, durante su intervención en Cáceres

  • ​​​​​Nel alcuentro, celebráu en Cáceres, Asturies presentó como bona práctica un programa de sensibilización que desenvuelve desde 2013 cola federación de conceyos

El Gobiernu d'Asturies xuntóse a la declaración conxunta de toles comunidaes autónomes p’ameyorar la calidá de la cooperación, llograr más financiamientu, implicar al conxuntu de la ciudadanía y consiguir vacunar a más persones frente a la covid-19. Los executivos rexonales roblaron el documentu nel XIV Alcuentru de Comunidaes Autónomes y Cooperación pal Desenvolvimientu, celebráu en Cáceres.
 
La directora de l'Axencia Asturiana de Cooperación, Beatriz Coto, participó na xornada na que tamién se consolidó la capacidá d'actuación conxunta de les rexones. Pa prosiguir nesta llinia de trabayu, va realizase un primer gran mapéu de bones práctiques que sirva pa definir qué especialidá va tener cada rexón, qué proyectos van ser compartíos y cualos podrán diseñase de manera conxunta.
 
Amás, alcordóse celebrar un alcuentru entemediu de calter temáticu. El primeru va celebrase en Canaries en mayu de 2022 y va tratar sobre cooperación y migraciones.
 
Nel alcuentru, el Principáu presentó como bona práctica'l programa de sensibilización Asturies Compromisu Solidariu, que desenvuelve dende 2013 cola Federación Asturiana de Conceyos (FACC) y que destaca pola implicación de los conceyos na axenda de cooperación.
 
Per otra parte, col fin d'impulsar la vacunación frente al coronavirus les comunidaes autónomes manifestaron el so sofitu a l'alianza Covax, que busca garantizar l'accesu equitativo a les vacunes frente al coronavirus. Asturies va apurrir 79.500 euros al traviés de Unicef pa un proyectu d'accesu a la vacunación universal en Senegal. En total, van destinase 2,64 millones pa sofitar el compromisu impulsáu pola Organización Mundial de la Salú (OMS).
 
Coles mesmes, tamién se reconoció'l trabayu que realiza la Rede de programes de protección de los y les defensores de derechos humanos. El coordinador del Programa Asturianu de Víctimes de Violaciones de Derechos Humanos en Colombia, que sofita l'Axencia Asturiana de Cooperación, Javier Orozco, y Jackeline Rojas, una de les defensores de derechos humanos acoyida esti añu nel Principáu, recoyeron esti distintivu.


Declaración conjunta (pdf: 450 Kb)