Categories Navigation

Categories Navigation

L’HUCA conviértese nel primer hospital públicu en tratar los miomes uterinos ambulatoriamente con radiofrecuencia

29/11/2021
  • Esta técnica novedosa y mínimamente invasiva aborda d’una manera eficaz, rápida y segura una de las patoloxíes xinecológiques más frecuentes 

 
El Serviciu de Xinecología y Obstetricia del Hospital Universitariu Central d’Asturies (HUCA) ye'l primer complexu hospitalariu públicu que desenvolvió un protocolu ambulatoriu pal tratamientu de los miomes uterinos sintomáticos por aciu la radiofrecuencia vaxinal dirixida por ecografía.
 
Esta técnica novedosa, que dura ente 15 y 30 minutos, consiste n'introducir vaxinalmente una sonda ecográfica que lleva incorporada una guía pal pasu d'una aguya de radiofrecuencia cola que s'apuerta al mioma, siempre baxo estrecha vixilancia ecográfica, y ensin necesidá de realizar incisiones na paciente. El calor producíu pol electrodu de radiofrecuencia nel interior del mioma produz una muerte celular irreversible d'esi texíu llogrando asina la so desapaición o amenorgamientu del tamañu (necrosis coagulativa).
 
La paciente permanez sedada mentres el procedimientu polo que se realiza de manera ambulatoria ensin necesidá d'ingresu hospitalariu, cuntando cola collaboración de tol equipu d'esta unidá.
 
Los profesionales del Serviciu de Xinecoloxía y Obstetricia tuvieron asesoraos polos radiólogos intervencionistas del HUCA, qu'utilicen la radiofrecuencia pal tratamientu d'otres enfermedaes.
 
La doctora María José Rodríguez y el doctor David Valdés, responsables de la Unidá d'Ecografía Xinecolóxica del HUCA, señalen la importancia d'una correcta selección de pacientes pa tener bones resultancies. Pa ello, valórense los síntomes, les característiques ecográficas de los miomes y les opciones d'otros tratamientos. La indicación más frecuente ye por sangraos vaxinales abondosos que provoquen anemia y otres comorbilidades que mengüen la calidá de vida.
 
L’HUCA empezó a utilizar esta técnica en xunu ya intervenir con ella a trés pacientes qu'evolucionaron favorablemente al llograr el cese de los sangraos y la recuperación de l'anemia. N'avientu tán programaos dellos tratamientos y l'oxetivu ye realizalos de forma regular y siguida.​​​​​​