• La prueba va tener llugar en nueve aules de la Facultá de Derechu del campus d’El Cristo, n’Uviéu

L'Institutu Asturianu d'Alministración Pública Adolfo Posada va facer mañana, sábadu 11, la prueba única del procesu selectivu pa la provisión de 28 places de la categoría d’operariu agroganaderu y d'obres públiques, nel turnu d'accesu llibre, promoción interna y réxime de personal llaboral, correspondientes a les ufiertes d'empléu públicu del Principáu de 2017 y 2018. 

L'exame, que va empecipiar a les 09:30 hores, consta de dos partes: la primera, formada por 40 preguntes tipu test, va ser teóricu-práctica y va tener calter eliminatoriu. Pela so parte, la segunda, non eliminatoria, va incluyir 30 preguntes tamién de tipu test.

A la prueba, que se va celebrar en nueve aules de la Facultá de Derechu del campus d’El Cristo, n'Uviéu, tán convocaes 939 persones.

Nesti procesu adoptáronse toles midíes necesaries pa la protección énte’l coronavirus.