• Dambes alministraciones suscriben un conveniu pa incorporar a la flota municipal dos autobuses híbridos que se van financiar con fondos de reactivación
• Trátase del primer proyectu que s’impulsa nel ámbitu del II conveniu marcu pal impulsu de las comarques mineres

La Conseyería d'Industria, Empléu y Promoción Económica y l'Institutu pa la Transición Xusta (ITJ), organismu adscritu al Ministeriu de Transición Ecolóxica y Retu Demográficu, van invertir 847.000 euros nel desenvolvimientu d'un proyectu p’ameyorar la eficiencia enerxética y amenorgar emisiones contaminantes nel tresporte públicu de Mieres.

Dambes alministraciones suscribieron yá'l conveniu específicu pa executar esta actuación, de la que la financiación va ser asumida nun 75% pol ITJ (635.250 euros) y el restu, pol Gobiernu d'Asturies (211.750). El testu foi suscritu pol conseyeru d'Industria, Empléu y Promoción Económica, Enrique Fernández, y la directora del Institutu pa la Transición Xusta, Laura Martín Murillo.

Esti proyectu va facer posible facese a la empresa municipal de tresporte urbanu de Mieres con dos autobuses urbanos ríxidos de 12 metros, accesibles y de propulsión híbrida con motores eléctricos y de combustión, al envís de llograr una meyora funcional y optimizar la eficiencia enerxética y medioambiental del serviciu.

Esti conveniu ye'l primeru que suscriben el Gobiernu d'Asturies y el Ministeriu de Transición Ecolóxica y Retu Democráticu nel contestu del II Conveniu Marco pal Impulsu Económicu de les Comarques Mineres del Carbón, suscritu'l 25 de marzu, y que tien como oxetivu el desenvolvimientu d'infraestructures y proyectos de restauración de zones degradaes por causa de l’actividá carbonera.

Esti alcuerdu marco contempla cinco proyectos d'inversión, por importe de 16,2 millones, que va executase nos conceyos de L.lena, Llangréu, Mieres, Degaña y Ibias. Nes próximes selmanes van dir roblándose’l restu d'actuaciones.

Enrique Fernández valoró la firma d'esti conveniu, que remata meses de trabayu pa llanzar nueves actuaciones en conceyos mineros y respuenden por el compromisu del Gobiernu d'Asturies colos territorios más afectaos pola transición. Coles mesmes, estima'l compromisu del ministeriu y la collaboración del ITJ.