Categories Navigation

Categories Navigation

La Sala Borrón abre la temporada d’esposiciones 2022 con Ensamble pictórico, de Jorge Fernández Valdés

12/01/2022
  • La muestra, que va poder visitase a partir de mañana y hasta’l 18 de febreru, ta formada por obres de formatos distintos y incluye una intervención site specific

La Sala Borrón d’Uviéu inaugura mañana a les 19:30 hores la muestra Ensamble pictórico, del artista asturianu Jorge Fernández Valdés. La esposición, que se va poder visitar hasta’l 22 de febreru, incluye trabayos con una variedá bien grande de formatos y una intervención site specific (arte in situ).

La muestra que abre la temporada na Sala Borrón busca dilir fronteres al traviés de práctiques artístiques multidisciplinares, estableciendo rellaciones ente pintura en superficie y elementos tridimensionales. D’esta manera, ufre al espectador la posibilidá d’esperimentar la pintura nun formatu distintu al tradicional, creando un llinguaxe híbridu.

Jorge Fernández (Siero, 1990) protagonizó delles esposiciones individuales n’Asturies ente les que destaquen Bi tri dimensión, na Sala Murillo d’Uviéu (2015); Entrever, entre lo pictórico y lo escultórico, na Fundación Alvargonzález de Xixón y na Casa de Cultura d’Avilés (2014) y Cada paso que damos es un instante de vida que agotamos, nel Antiguu Depósitu d’Agües de Noreña (2011).

Tamién participó en delles exhibiciones colectives como la XXX Muestra d’Artes Plástiques del Principáu d’Asturies (2020); la Feria d’Arte d’Uviéu, la Galería Nómada o la II Bienal Internacional de Dibuxu d’Estudiantes National Academy of Art (Sofía, Bulgaria), en 2014.

Amás, llevó diversos premios y tomó parte n’eventos como’l Crazyleaf Art&Music event at The Cremorne, nel Reinu Uníu. 
 

 Cartel exposición (pdf: 95 Kb)