Categories Navigation

Categories Navigation

El Principáu activa’l protocolu pa episodios de contaminación del aire, nel so nivel preventivu, nel área d’Uviéu

17/01/2022

  • Les estaciones que controlen de la zona norte de la ciudá y Llugones detectaron valores altos de concentración de partícules nos últimos trés díes.
  • La midida implica’l siguimientu de la evolución, l’impulsu d’acciones informatives empobinaes a la ciudadanía, les empreses y otres alministraciones, y la prohibición de quemes vexetales.

La Conseyería d"Alministración Autonómica, Mediu Ambiente y Cambéu Climáticu activó"l protocolu d"actuación énte episodios de contaminación del aire, nel so nivel preventivu (nivel 0), nel área d"Uviéu, al persistir trés díes siguíos niveles altos de partícules en suspensión na atmósfera y condiciones desfavorables de ventilación.

El dispositivu actívase nel so nivel 0 cuando la concentración de partícules na atmósfera ye de más de 25 microgramos por metru cúbicu (µg/m3), nel casu de les de diámetru inferior a 2,5 micres (PM 2,5) o de 45 µg/m3 pa les de diámetru inferior a 10 micres (PM 10), a lo llargo de trés díes, en polo menos una estación de la zona y, simultáneamente, existe previsión de fenómenos meteorolóxicos qu"estorben l"espardimientu de contaminantes (estabilidá atmosférica, inversión térmica y ausencia d"agua). Según les previsiones de l"Axencia Estatal de Meteoroloxía (Aemet), tanto güei como mañana la ventilación nel área d"Uviéu va ser desfavorable. Polo tanto, danse les condiciones p"activar el protocolu.

L"aglomeración del área d"Uviéu incluye, amás d"esti conceyu, los de Noreña, Siero, La Ribera y Llanera, amás de la zona industrial de Morcín.

Les estaciones de la rede de control del Palaciu de los Deportes d"Uviéu y la de Llugones, en Siero, detectaron valores percima de los topes previstos pa les partícules PM 2,5. En concreto, los valores medios diarios rexistraos neses estaciones nos postreros trés díes foron estos:

  14/01/2022 15/01/2022 16/01/2022
Palaciu Deportes (µg/m3) 28 27 32
Llugones-Institutu (µg/m3) 28 32 30

Les demás estaciones que monitoricen la calidá del aire n"Asturies nun presenten simultáneamente valores de concentración de partícules en suspensión y condiciones desfavorables de ventilación qu"esixan l"activación del protocolu.

 

Midíes

El nivel preventivu del protocolu implica"l siguimientu de la evolución y l"adopción de midíes informatives empobinaes a la ciudadanía, les empreses de la zona y otres alministraciones. Anque nesta fase nun s"establecen restricciones de tráficu, sí aconseya l"usu del tresporte públicu y l"usu compartíu del vehículu priváu. Amás, prohíbense les quemes de restos vexetales.

Los conceyos afectaos puen adoptar les midíes que consideren afayadices pa menguar la contaminación, como"l riegu de viales y carreteres. Tamién se va reforzar la inspección ambiental a les empreses del área afectada.

El Principáu aconseya que les persones sensibles sobre manera (adultos o neños con problemes respiratorios, patoloxíes cardiaques, EPOC, etcétera, muyeres embaranzaes y lactantes) planifiquen l"actividá física y la mengüen si esperimenten síntomes. Tamién ye aconseyable que s"aparten de les víes con más tráficu.

 

Niveles del protocolu

El protocolu de contaminación regula trés contaminantes: partícules PM 2,5, partícules PM 10 y dióxidu de nitróxenu (NON2).

Amás, propón trés niveles: 0 (preventivu), 1 (avisu) y 2 (alerta), a tenor

de la superación d"estos topes.

 

PM10

Nivel 0 (Preventivu) 45 µg/m3 1 estación de la zona, 3 díes siguíos
Nivel 1 (Avisu) 50 µg/m3 1 estación de la zona, 3 díes siguíos
Nivel 2 (Alerta) 75 µg/m3 1 estación de la zona, 3 díes en 5 días siguíos

 

PM2,5

Nivel 0 (Preventivu) 25 µg/m3 1 estación de la zona, 3 díes siguíos
Nivel 1 (Avisu) 35 µg/m3 1 estación de la zona, 3 díes siguíos
Nivel 2 (Alerta) 50 µg/m3 1 estación de la zona, 3 díes en 5 díes siguíos

 

NO2

Nivel 0 (Preventivu) 180 µg/m3 2 estaciones de la zona, 2 hores siguíes
Nivel 1 (Avisu) 200 µg/m3 2 estaciones de la zona, 2 hores siguíes
Nivel 2 (Alerta) 400 µg/m3 2 estaciones de la zona, 3 hores siguíes

La superación d"estos topes tien que dir acompañada, de manera simultánea, de la previsión de fenómenos meteorolóxicos qu"estorben l"espardimientu de contaminantes na atmósfera.