• La conseyería ta coordinando les actuaciones y los plazos cola Fundación Educere, titular del centru 

La Conseyería d’Educación ve viable’l treslláu por fases del alumnáu del Colexu San Vicente de Paúl, que’l so edificiu sufrió daños de considerancia nun esbarrumbamientu’l 5 de xineru pasáu, al Patronatu San José. El Gobiernu d’Asturies coordina les actuaciones y los plazos del procedimientu cola Fundación Educere, qu’ostenta la titularidá del centru.

El Principáu va empezar nestos díes el procedimientu pa la execución del treslláu. Trátase d’un trámite que se denomina xurídicamente Resolución de revocación de l’autorización d’enseñances y que tien como oxetivu autorizar de manera escepcional l’actividá llectiva presencial del Colexu San Vicente de Paúl nel Patronatu San José mentes ye’l cursu llectivu actual.

La Fundación Educere va tener que presentar la documentación necesario onde s’esplique de manera detallada tolos pasos que va dar, dende la manera en que se va organizar l’alumnáu hasta’l númberu d’unidaes que va acoyer nes aules modulares, el proyectu d’instalación y, inclusive, les feches que calcula. Tamién va tener qu’axuntar los proyectos correspondientes.

La conseyería, amás, va instar a la fundación titular del colexu a que les etapes d’enseñanza obligatoria pasen a manera presencial lo más aína posible. 

L’equipu multidisciplinar organizáu por Educación ufiertóse a collaborar tanto cola fundación como cola dirección del Colexu San Vicente de Paúl en toos aquellos aspectos que consideren necesarios.