• El Principáu va instalar unos 400 bloques de formigón de 40 a 60 tonelaes nel muelle del puertu.

El Gobiernu d'Asturies sacó a llicitación les obres de refuerzu de la protección frente al folaxe del dique del puertu de Llastres (Colunga), con un presupuestu base de 3.652.965 euros. Esta partida, de calter plurianual, divídese en dos: aproximao 2 millones p'anguaño y 1,8 pal próximu.

Los trabayos, con un plazu d'execución de doce meses, van centrase na instalación de 378 nuevos bloques de formigón de 60 tonelaes y otros 20 de 40 tonelaes. Amás, va procedese tamién a recuperar y reasitiar otros 30 bloques de 40 tonelaes qu'anguaño formen yá parte de la barrera de protección del dique.

El pasu del tiempu y les corrientes fueron moviendo les pieces que formen la barrera protectora, polo que resulta fundamental realizar una nueva recarga pa evitar les filtraciones nel puertu.