Categories Navigation

Categories Navigation

Educación entama’l procedimientu pa tramitar el reasitiamientu del alumnáu del Colexu San Vicente de Paúl

25/01/2022
  • El centru dispón agora d’un plazu de 15 díes hábiles pa presentar tola documentación necesario 


El Gobiernu del Principáu empezó güei’l procedimientu oficial que va dexar autorizar el reasitiamientu del alumnáu del Colexu San Vicente de Paúl nel Colexu Patronato San José, dambos en Xixón. La conseyera d’Educación, Lydia Espina, firmó esta mañana la propuesta de resolución. D’equí p’arriba, la Fundación Educere, titular del centru, dispón d’un plazu de 15 díes hábiles pa presentar tola documentación necesario.  

El procedimientu puestu en marcha pola conseyería llámase xurídicamente Resolución de revocación de l’autorización d’enseñances y tien como oxetivu tramitar de manera escepcional l’actividá lectiva presencial del Colexu San Vicente de Paúl nel Patronatu San José a lo llargo del cursu lectivu actual.

La Fundación Educere ha presentar agora formalmente la documentación necesario, onde esplique la manera en que va organizar al alumnáu, el númberu d’unidaes que va acoyer nes aules modulares, el proyectu d’instalación y les feches previstes. Tamién va tener qu’axuntar los correspondientes proyectos, que van ser revisaos pol Principáu pa garantizar la prestación del serviciu educativu en condiciones de seguranza.

L’equipu multidisciplinar organizáu por Educación en tou momentu ufiertóse a collaborar cola fundación y cola dirección del Colexu San Vicente de Paúl naquellos aspectos que consideren oportunos.

Esta solución escepcional rique de la firma previa d’un alcuerdu priváu ente los dos centros educativos implicaos, que tienen concertaes les enseñances d’Infantil, Primaria y Secundaria.