Categories Navigation

Categories Navigation

Mediu Ambiente concluye les obres de renovación del colector de Sames, n'Amieva

26/01/2022
  • La conseyería invirtió 160.645 euros na actuación hidráulica, que da serviciu a 70 habitantes

 

La Conseyería d'Alministración Autonómica, Mediu Ambiente y Cambéu Climáticu invirtió 160.645 euros nes obres de renovación del colector de Sames, nel conceyu d'Amieva, realizaes con calter d'emerxencia.

La infraestructura, que da serviciu a 70 habitantes, yá ta operativa dafechu, mentes que l'asfaltáu de la cai nel tramu afectáu pola rotura ta a puntu de concluyir. Amás, el tráficu ta restituyíu.

Por cuenta de los desperfectos causaos polos episodios d'agua intensa, Mediu Ambiente decidió anovar el colector. Les obres consistieron na construcción d'una canalización nueva pa regar, la reposición del colector de saniamientu afectáu pola rotura de la canalización y la execución de los pozos de rexistru necesarios pal caltenimientu de la infraestructura, amás de la sustitución completa del firme de la cai.​​​​