• El conseyeru de Mediu Rural aconceya colos presidentes de los once grupos d’acción local encargaos de xestionar los fondos.

El conseyeru de Mediu Rural y Cohesión Territorial, Alejandro Calvo, tuvo un alcuentru esta mañana p'analizar la estratexa del programa Leader colos once presidentes de los grupos d'acción local que xestionen estes ayudes, que yá empezaron a tramitase. En total, la nueva convocatoria va disponer de 16,5 millones, dirixíos a empresarios, entidaes locales y organizaciones ensin ánimu d'arriquecimientu qu'impulsen proyectos nel mediu rural.

Pa entainar la tramitación d'esta convocatoria, yá que'l plazu termina'l próximu 15 de febreru, l'Executivu aprobó apocayá un gastu antemanáu que se distribúi de la siguiente manera: 13 millones pa empreses privaes, 3 millones pa entidaes locales y 500.000 euros p'asociaciones ensin ánimu d'arriquecimientu.

La convocatoria pa 2022 consolida l'aumentu del 40% na cuantía de la subvención p'autónomos, el llamáu tique rural, afitada en 35.000 euros.

Les ayudes del programa Leader tán cofinanciaes pola Unión Europea al traviés del Fondu Européu de Desenvolvimientu Rural (Feader). El so oxetivu ye contribuyir a fomentar la competitividá de l'agricultura, garantizar la xestión sostenible de los recursos naturales y l'acción pol clima y llograr un desenvolvimientu territorial permediáu de les economíes y comunidaes, con especial atención a la creación de riqueza y empléu nel mediu rural.

Nestos momentos, el Principáu moviliza casi 44 millones al traviés d'estes subvenciones. Asina, na última convocatoria, anguaño n'execución, aprobáronse 631 proyectos, a los que se destinen 22.684.304 euros. Del total d'iniciatives, 429 correspuenden a empreses privaes, 142 son d'entidaes locales y 60 d'asociaciones ensin ánimu d'arriquecimientu.

A esta cantidá hai que sumar los 16,5 millones de la convocatoria que yá se ta tramitando, y que tien esta distribución territorial: