Categories Navigation

Categories Navigation

Política Llingüística entama’l ciclu Uviéu Abierto, que comienza coles presentaciones de los Premios Lliterarios en llingua asturiana de 2020

29/01/2022
  • Los actos van tener llugar na Biblioteca Ramón Pérez de Ayala, a lo llargo de los meses de febreru y marzu

La Conseyería de Cultura, Política Llingüística y Turismu abre’l xueves que vien, 3 de febreru, el ciclu Uviéu Abierto, onde s’enmarquen una serie d’actos culturales alredor de la llingua y la cultura asturiana. El programa ellaboráu pola Dirección Xeneral de Política Llingüística va desenvolvese na Biblioteca Ramón Pérez de Ayala d’Uviéu a lo llargo de febreru y marzu.

El ciclu empieza coles presentaciones de les obres ganadores de los Premios Lliterarios en llingua asturiana del añu 2020, y inclúi estes presentaciones:

  • 3 de febreru: Hai una llinia trazada, de Xune Elipe, XXVI Premiu Máximo Fuertes Acevedo de Ensayo en llingua asturiana.
  • 10 de febrero: La curuxa Catuxa, de Inaciu Galán y Vero Suari, XIII Premiu María Josefa Canellada de Lliteratura infantil y xuvenil en llingua asturiana.
  • 17 de febrero: El fervinchu, de Sidoro Villa, XLI Premiu Xosefa Xovellanos de Novela en llingua asturiana.
  • 24 de febrero: Tayu, de Alejandro Fernández-Osorio, XXVI Premiu Xuan María Acebal de Poesía en llingua asturiana.
  • 3 de marzo: El sol na escombrera, de Alberto Vázquez, XII Premiu Alfonso Iglesias de Cómic en llingua asturiana.
  • 24 de marzo: Seltegu, de Ruma Barbero, XI Premiu Alfonso Iglesias de Cómic en llingua asturiana.

Los actos, con entrada llibre y gratuita hasta enllenar aforu, van escomenzar a les 19:00h, a escepción de la presentación del día 10, que va escomenzar a les 17:30 por ser un actu empobináu al públicu infantil.

La presentación qu’inaugura’l ciclu ye la d’Hai una llingua trazada, de Xune Elipe, obra ganadora del XXVI Premiu Máximo Fuertes Acevedo de Ensayo en llingua asturiana que repasa la historia de la música asturiana dende la prehistoria hasta’l sieglu XXI. Al autor va acompañalu na presentación l’escritor Adolfo Camilo Díaz y el director xeneral de Política Llingüística, Antón García.

Los Premios Lliterarios en llingua asturiana, dotados con 6.000 euros, convóquense añalmente col fin de consolidar, arriquecer y prestixiar la llingua asturiana.