Categories Navigation

Categories Navigation

Mediu Ambiente destina 289.000 euros a la reparación del tramu del colector del Sella dañáu poles riaes

29/01/2022
  • L’actuación d’emerxencia va sustituyir 150 metros de tubería pela zona firme de la oriella derecha del ríu, entre Les Roces y Les Arriondes

 

La Conseyería d’Alministración Autonómica, Mediu Ambiente y Cambéu Climáticu va invertir 289.352 euros nes obres d’emerxencia empezaes esta selmana pa reparar l’interceptor de saniamientu que va pela oriella derecha d’El Ríu Sella, estropiáu poles riaes nun tramu de 150 metros asitiáu ente Les Roces, en Cangues d’Onís, y Les Arriondes.

Cola mira de reponer la infraestructura hidráulica y evitar vertíos d’agua residual va ponese una tubería nueva de 800 milímetros de diámetru pela zona firme de la vega. Amás, va protexese’l terrén afectáu y van aplicase técniques d’inxeniería biolóxica pa la recuperación medioambiental. La obra va beneficiar a 3.000 habitantes.
El plazu calculáu de los trabayos, qu’impliquen la ocupación de 48 finques na oriella derecha del ríu, ye de cuatro meses.

L’avería detectóse a últimos d’avientu, desque baxó’l caudal del ríu, qu’invadió terrenos colindantes. La riada movió la tubería y afectó tanto al colector de saniamientu de Cangues d’Onís como a la canalización de gas.​​​​