Categories Navigation

Categories Navigation

L’Hospital Universitariu de San Agustín, pioneru na implantación de la ciruxía d’hombru con planificación personalizada en 3D

21/02/2022

de izquierda a derecha: los traumatólogos Jesús García, Juan Francisco Jiménez, Susana Iglesias y Sergio Ramos, y la enfermera Tamara Iglesias. (Abajo, de izquierda a derecha) la enfermera Ana Pérez; el médico residente Nicolás Elizalde; la enfermera Verónica Benito y la anestesista Paz Alonso 
 

  • Un 10 % de los pacientes con patoloxíes d’escápula van poder beneficiase d’esta técnica n’Avilés

El Serviciu de Traumatoloxía del Hospital Universitariu San Agustín (HUSA), d’Avilés, aplicó pela primer vez n’Asturies, nuna ciruxía complexa d’hombru, una técnica personalizada en trés dimensiones (3D), que s’usa tamién n’operaciones de prótesis de rodiya. Esta técnica novedosa favorez un allugamientu correctu de los implantes, al empar que redunda nuna mayor seguranza y nuna recuperación más rápida del paciente.

Los doctores Sergio Ramos y Jesús García, de la Unidá d’Hombru del serviciu mentáu, realizaron dos intervenciones en pacientes con deformidá na escápula (güesu planu que comunica l’húmeru cola clavícula); la postrera’l miércoles pasáu, 16 de febreru.

La planificación quirúrxica empieza col diseñu de presea personalizada, pa lo que se reconstruey la zona afectada al traviés d’imáxenes de TAC nuna plantiya específica pa usu intraoperatoriu que dexa adaptar al milímetru la posición del implante. A los 20 díes d’esti estudiu preoperatoriu realízase la intervención, que dura unes dos hores, con anestesia xeneral. Los pacientes permanecen ingresaos 48 hores primero de recibir l’alta y precisen rehabilitación de 2 a 3 meses hasta recuperar una bona movilidá del costazu.

La Unidá d’Hombru del Serviciu de Traumatoloxía del HUSA lleva a cabu anualmente unes 40 operaciones d’esta clas. D’equí p’arriba, el 10 % de los pacientes que presenten procesos dexenerativos, traumatismos y otres lesiones van beneficiase d’esta técnica.

L’aplicación de la técnica nueva ye posible gracies al trabayu multidisciplinar de Traumatoloxía y del personal d’enfermería en collaboración colos servicios de Radioloxía y Rehabilitación del HUSA, amás d’a la contribución d’especialistes de los hospitales Álvarez Buylla, de Mieres; Cabueñes, en Xixón, y HUCA, n’Uviéu.