• Los profesionales del centru atienden a los pacientes na sede de los servicios sociales municipales, cedida pol Conceyu

La Conseyería de Salú empezó güei les obres de reforma integral del consultoriu local de La Vega, nel conceyu de Riosa. Esta actuación, a la que se destinen 296.450 euros, va dexar ufiertar una atención sanitaria de mayor calidá nunes instalaciones modernes, accesibles y más segures y alcontradices.

Los trabayos van durar cinco meses y van consistir na redistribución de los espacios actuales. Asina, van ampliase les árees asistenciales y va ameyorase la comunicación ente les consultes. Tamién se van llevar a cabu intervenciones p’aumentar l’accesibilidá, tanto na entrada principal como nos aseos y nos percorríos del centru.

La reforma incluye, amás, el refuerzu del aislamientu esterior de la fachada y la renovación de les instalaciones de fontanería, saniamientu, calefacción, eletricidá y illuminación, amás de la instalación d’un sistema nuevu de renovación d’aire.

Dende’l pasáu llunes, los profesionales del consultoriu de La Vega atienden a los pacientes nel local de los servicios sociales, cedíu pol Conceyu de Riosa mentes duren les obres.