• La presentación de les solicitúes nos centros va poder facese a partir del 3 de mayu
• El períodu de matriculación en septiembre pa Secundaria desapaez al nun haber ya exámenes estraordinarios

El procesu d'almisión del alumnáu pal cursu 2022/2023 va empezar el 15 de marzu col sortéu de les dos primeres lletres del primer apellíu y l'ordenación alfabética pa resolver los casos nos que se produza un empate na puntuación, n’aplicando’l baremu. Les instrucciones y el calendariu, publicáu güei nel Boletín Oficial del Principáu (Bopa), concreten que la presentación de les solicitúes va facese a partir del 3 de mayu.

Depués de l'actualización llevada a cabu en 2021 por cuenta de la aprobación de la Llei Orgánica de Modificación de la LOE (Lomloe), el procedimientu d'almisión namás sufre unu cambéu respecto al del cursu anterior: despaez el periodu de matriculación de setiembre pal alumnáu de Secundaria al esaniciase los exámenes estraordinarios.

Al igual que'l pasáu cursu, la casa familiar va acreitase con una certificación de los datos del padrón municipal na que figuren tolos miembros de la unidá de convivencia. La fecha d'alta tendrá de tener una antigüedá mínima de seis meses respecto al entamu del procedimientu d'almisión.

Principales feches

El plazu de la presentación de solicitúes d'almisión nel centru escoyíu en primer opción va quedar abiertu del 3 al 13 de mayu. La llista provisional de solicitúes almitíes y non almitíes en cada centru va facese pública'l 24 de mayu y el periodu d'alegaciones va tomar del 24 al 26 de mayu. La llista definitiva va dase a conocer el 8 de xunu.

El llistáu del alumnáu d'Infantil y Primaria reasignado depués de nun consiguir plaza nel centru escoyíu en primer opción va publicase'l 21 de xunu y el d'ESO y Bachilleratu, el 1 de xunetu.

La matrícula en centros d'Infantil y Primaria va poder formalizase del 22 al 28 de xunu. Nel casu d'ESO, 1º de Bachilleratu promocionáu depués de la evaluación ordinaria, y 2º de Bachilleratu que nun tituló, el plazu va ser del 4 al 15 de xunetu. L'alumnáu de 1º de Bachilleratu promocionáu y non promocionáu, que ye l'únicu que caltien la evaluación estraordinaria en septiembre, va poder matriculase del 1 al 5 de setiembre.

La resolución publicóse güei nel Bopa y pue consultase nel siguiente enllaz: https://sede.asturias.es/bopa/2022/03/09/2022-01460.pdf

Calendario de admisión de alumnos (617,88 Kb)