• La responsable actual, qu'ocupa'l cargu dende’l 2017, va cesar en mayu

La Sociedá de Promoción Esterior Principáu d'Asturies S. A. (Asturex) ta xestionando'l relevu de l'actual directora xeneral, Teresa Vigón, que va cesar nel so puestu en mayu por llegar a la edá de xubilación. Pa ello, la entidá yá abrió'l procesu de selección al traviés de l'axencia de recursos humanos Gysa.

Teresa Vigón Arvizu garró la dirección xeneral d’Asturex n'abril del 2017 y, de magar, desenvolvió la política de sofitu a la promoción esterior de les empreses planiada pol Gobiernu d'Asturies.

Ente los nuevos programes impulsaos mientres el so mandatu destaca l'impulsu a la internacionalización dixital, asina como’l sofitu a los sectores sanitariu y de la moda. Fomentóse tamién la internacionalización d'empreses emerxentes (startups), l'accesu al mercáu de llicitaciones multillaterales y la nueva tramitación d'ayudes, centrada na tresparencia y la eficacia.

El relevu va producise n'unu de los meyores momentos p’Asturex y pa l'actividá esterior de les empreses asturianes, depués de llograr nel 2021 el récord d'esportaciones, al superar pela primer vez los 5.000 millones en ventes al esterior.