Categories Navigation

Categories Navigation

El Conseyu de Patrimoniu Cultural aprueba intervenciones nel monesteriu de Santa María, en Vilanova d’Ozcos, y en Santuyano y la catedral, n’Uviéu

17/03/2022
  • El plenu alcuerda empezar los trámites para declarar BIC el cuadru La Inmaculada Concepción, d'El Greco, que forma parte de la colección Selgas
  • Lluz verde al plan director de la cultura castreña, qu'inclúi anguaño midíes por valor de 300.000 euros
  • El procesu para declarar BIC les termes romanes de Valdunu, en Les Regueres, y establecer la redolada definitiva de protección para los abrigos de La Lluera, n'Uviéu, conclúi colos sos informes favorables
  • Autorizáu l'entamu de les xestiones para incluyir nel Inventariu del Patrimoniu Cultural d'Asturies la carta arqueolóxica del conceyu de Siero​​​​​​​

El plenu del Conseyu del Patrimoniu Cultural d'Asturies, presidíu pola conseyera de Cultura, Política Llingüística y Turismu, Berta Piñán, aprobó güei los proyectos d'intervención nel monesteriu de Santa María de Vilanova, en Vilanova d'Ozcos, y na catedral y la ilesia de Santuyano, n'Uviéu.

Nel casu del monesteriu, va intervenise nes cubiertes del edificiu, declaráu Bien d'Interés Cultural (BIC) en 1991. En concreto, va actuase sobre una superficie de 1.599,30 metros cuadraos que rique una obra urxente dáu'l so actual estáu, nel que una tercer parte de la cubierta desapaeció y el restu sufre importantes deformaciones apreciables a güeyu. Los trabayos tienen un presupuestu de llicitación d'un millón, que va asumir la Conseyería de Cultura con cargu a los fondos del Plan de Recuperación y Resiliencia previstos pa intervenciones en BIC.

Al respective de la catedral d'Uviéu, el plenu refrendó l'alcuerdu suscritu pola comisión permanente'l 24 de febreru qu'autorizaba les obres de restauración del campanariu de la torre gótica, que la so execución va permitir les visites guiaes a esti espaciu. El proyectu, promovíu pol cabildru, va suponer la llimpieza de panales interiores, pechines y mechinales del cuerpu del campanariu, mesmo que’l el saniáu y restauración de zones concretes de les fábriques pedreses de los ventanales góticos. Tamién se va recuperar la maquinaria del reló de la torre, datáu en 1787, y van llimpiase les siete campanes. Finalmente, van reparase les escaleres y los suelos del primer pisu y van instalase pasamanes y nuevu llume p'ameyorar l'accesibilidá.

Al respective de la ilesia prerrománica de Santuyano, aprobóse'l proyectu pa la realización d'estudios y ensayos nos murios esteriores del templu, con vistes a la futura actuación de revestimiento, pasu previu a la restauración de les pintures murales del interior. Estes midíes van dexar definir con seguridá les soluciones a aplicar nel futuru revestimiento, que va ayudar de la mesma a establecer les condiciones más aparentes pal caltenimimuestres iguales en composición, pero cola aplicación final d'un productu hidrófugu con nanopartículas nuna d'elles pa enllargar la durabilidá y amenorgar el caltenimientu del revestimientu.

El morteru propuestu ye de cal, de composición asemeyada a los morteros históricos con arena de cuarzu y dosificación 1:1, garantizando la compatibilidá col soporte y la reversibilidad del tratamientu. Estes pruebes van realizase sobre los zarramientos esteriores del ábside, en toles sos orientaciones sur, norte y este, con una superficie d'intervención d'unos 62 metros cuadraos. La muestra va realizase na metá superior del panal, onde se concentren les pintures, y alloñada de los influxos y efectos de los mugores de capilaridá de les partes baxes que pueden alteriar les llectures de los panales. Antes de les pruebes va realizarse un analís refechu de les fábriques con documentación fotográfica. Tamién se va llevar a cabu un control petrolóxicu de les obres. L'actuación, que va executar Cultura, cuenta con un presupuestu de 56.872 euros.

El conseyu tamién informó favorablemente los estudios previos pa la restauración del mausoléu de Valdés Salas, na Colexata de Salas, una actuación promovida pol Arzobispáu d'Uviéu.

Per otra parte, aprobó'l plan director de la cultura castreña, un documentu de xestión integral d'esti ámbitu del patrimoniu cultural. El documentu aborda una sucinta historia de la investigación nesta materia, dende finales del sieglu XIX a l'actualidá, y caracteriza un fenómenu, el del poblamientu castreño, que tuvo notable incidencia espacial nel actual territoriu asturianu dende finales de la Edá del Bronce y na la Edá del Fierro.

 

El plan centra'l so analís en dellos grupos de castros:

  • 13 de los castros marítimos, pa los que se va realizar una evaluación de riesgos y van proponese midíes cautelares.
  • 12 de los castros del valle del Navia.
  • 5 de los castros del Naranco.
  • 34 castros nos que se desenvolvieron llabores d'investigación-escavación arqueolóxica nel pasáu
  • Tamién se van encetar los casos concretos de los castros más significativos: San Chuis (Ayande), Mouguías y Castelón de Villacondide (Coaña), Chao Samartín (Grandas de Salime) y Campa Torres (Xixón).

El testu inclúi propuestes xenériques d'actuación y otres específiques, en función de les característiques de los distintos yacimientos. Ente les xenériques, destaquen la meyora nel procesu de declaración de más castros como BIC, delimitando los sos ámbitos de protección; l'actualización del inventariu arqueolóxicu cola verificación de castros, agora d'identificación dudosa; un programa d'alquisiciones de terrenos, afitamientu de ruines y recuperación de materiales esvalixaos, y la creación d'un Atles Castreñu d'Asturies, concebíu como preséu d'espardimientu y divulgación y como repositoriu documental. 

Ente les propuestes específiques inclúyense la siega y caltenimientu de determinaos castros y la roza y señalización d'otros, llabores de llimpieza, estudiu y puesta en valor de castros como'l de Doña Palla, en Pravia, o'l Picu Torres, de Ribesella. Tamién s'establez la evaluación de riesgos y aplicación de midíes cautelares o de rescate en castros concretos y la caracterización arqueolóxica de recintos como'l de La Talá, en Llanes.
 
Dalgunes de les actuaciones d'esti plan de castros (que se reflexaren en proyectos específicos pa los castros de Coaña, Mouguías y San Chuis) yá empezaron a executase en 2021 y van tener continuidá en próximos exercicios. El presupuestu del Principáu pa 2022 reserva una partida de 300.000 euros pal desenvolvimientu de les midíes contemplaes nel documentu.
 
Nuevos BIC
 
El conseyu informó favorablemente del entamu de los trámites pa declarar BIC el cuadru d'El Greco La Inmaculada Concepción, atendiendo a un pidimientu espresa realizada pol Ministeriu de Cultura y Deporte nel momentu en que declaró inexportable esta obra. Optóse por una declaración individual del cuadru por cuenta de esi pidimientu ministerial, de la que sigue'l procesu pa definir l'algame de la colección completa de la Fundación Selgas-Fagalde n'El Pitu (Cuideiru), que tamién va ser oxetu de declaración BIC, daqué yá alcordáu primeramente pol Conseyu del Patrimoniu.
 
Tamién se dio'l vistu bonu final a la declaración como BIC de les termes romanes de Valdunu, en Les Regueres, una vez concluyíos los trámites de consultes y de pidimientu d'informes esternos, y a la delimitación del entornu de protección de les cueves de La Lluera I y La Lluera II, nel conceyu d'Uviéu. 
 
A lo último, alcordóse empecipiar los trámites pa incluyir nel Inventariu del Patrimoniu Cultural d'Asturies la carta arqueolóxica del conceyu de Siero, apocayá revisada y ampliada por encargu de la conseyería.  Esto supón la incorporación de 48 nuevos yacimientos arqueolóxicos de tipoloxía variada (ilesies, ermites, trincheres, castros), mesmo que’l cambéu de la redolada de protección vixente hasta agora de 21 yacimientos que yá formaben parte d'esti catálogu.