Categories Navigation

Categories Navigation

Mediu Ambiente entama les obres pa la depuración d’El Porto, en Navia

23/03/2022
  • La conseyería va invertir casi 181.000 euros nos trabayos, que van durar 9 meses y van beneficiar a 1.800 habitantes.
  • L'actuación enmárcase nel proyectu de depuración y saneamientu pa la zona, con un costu superior a los 5 millones.

La Conseyería d'Alministración Autonómica, Mediu Ambiente y Cambéu Climáticu axudicó en 180.895 euros les obres del colector que va permitir conectar la población d’EL Porto, nel conceyu de Navia, cola futura depuradora que se va construyir na rasa costera. L'actuación cunta con un plazu d'execución de 9 meses y va beneficiar a 1.800 habitantes.

L'actuación, que se sometió a llicitación por valor de 262.456 euros, va consistir na construcción d'una tubería de 715 metros que tresporte les agües residuales recoyíes na estación de bombéu d’EL Porto, que va tar allugada na escampada del puertu, hasta la futura depuradora.

La conducción, que va pasar per debaxo de la carretera d'accesu al puertu va complementase cola instalación de los accesorios necesarios pal so correctu funcionamientu hidráulicu, formáu por dos ventose y un desaguadoriu de rede.

Esti proyectu ye'l primeru d'un conxuntu d'obres destinaes a tratar les agües residuales d’EL Porto, que se van realizar en trés años, y a les que se van destinar globalmente más de 5 millones cofinanciaos pol Fondio Européu de Desenvolvimientu Rexonal (Feder). Asina, va construyise la estación de bombéu, con un costu previstu de 917.036 euros y que la so llicitación va realizase de manera inmediata. Amás, esti branu van salir a llicitación la depuradora, por una cuantía superior a los dos millones, y un emisariu que va devolver l'agua al mar una vez tratada na depuradora.